საქართველოს მთავრობის განკარგულება №771
05 დეკემბერი, 2007
თბილისი-სენაკი-ლესელიძის საავტომობილო გზის ჩქაროსნული ავტომაგისტრალის აღაიანის მონაკვეთის მშენებლობისათვის სახელმწიფო ტყის ფონდის მიწებიდან 1,225 ჰექტარი ფართობის ამორიცხვის შესახებ
1. ,,სახელმწიფო ტყის ფონდის მიწებიდან ფართობების ამორიცხვისა და ჩარიცხვის შესახებ" დებულების დამტკიცების თაობაზე" საქართველოს მთავრობის 2007 წლის 10 მაისის N96 დადგენილების შესაბამისად მოწონებულ იქნეს საქართველოს ეკონომიკური განვითარების სამინისტროს საქვეუწყებო დაწესებულების - საქართველოს საავტომობილო გზების დეპარტამენტის წინადადება, აგრეთვე საქართველოს მიწის გამოყენებისა და დაცვის სახელმწიფო კომისიის რეკომენდაცია (კომისიის 2007 წლის 30 ოქტომბრის სხდომის ოქმი N22) და საავტომობილო გზის ჩქაროსნული ავტომაგისტრალის აღაიანის მონაკვეთის მშენებლობისათვის ამოირიცხოს სახელმწიფო ტყის ფონდის მიწებიდან 1,2225 ჰექტარი ფართობი, მათ შორის: მცხეთა-მთიანეთის რეგიონალური სატყეო სამმართველოს მართვას დაქვემდებარებული ყოფილი მცხეთის სატყეო მეურნეობის წილკნის სატყეოს N17 კვარტალის N10-11 უბნიდან - 1,02 ჰექტარი, N74 კვარტალის N74 უბნიდან - 0,2025 ჰექტარი.
2. საქართველოს გარემოს დაცვისა და ბუნებრივი რესურსების სამინისტრომ (დ. ჩანტლაძე) და ეკონომიკური განვითარების სამინისტრომ (გ. არველაძე) განკარგულების პირველი პუნქტის შესასრულებლად უზრუნველყონ მათ კომპეტენციაში შემავალი საკითხების გადაწყვეტა კანონით დადგენილი წესით.
3. განკარგულება ძალაშია ხელმოწერის დღიდან.
ვიცე-პრემიერი გიორგი ბარამიძე