საქართველოს მთავრობის დადგენილება N247
22 დეკემბერი, 2006
კონფლიქტების მოგვარების საკითხებში საქართველოს სახელწიფო მინისტრის აპარატის დებულების დამტკიცების შესახებ საქართველოს მთავრობის 2005 წლის 28 დეკემბრის N243 დადგენილებაში ცვლილებების შეტანის თაობაზე
,,ნორმატიული აქტების შესახებ" საქართველოს კანონის 36-ე მუხლის, ,,საქართველოს მთავრობის სტრუქტურის, უფლებამოსილებისა და საქმიანობის წესის შესახებ" საქართველოს კანონის მე-11 მუხლისა და ,,საქართველოს მთავრობაში სახელმწიფო მინისტრის თანამდებობის შემოღების შესახებ" საქართველოს პრეზიდენტის 2004 წლის 14 თებერვლის N61 ბრძანებულების შესაბამისად საქართველოს მთავრობის 2005 წლის 28 დეკემბრის N243 დადგენილებით დამტკიცებულ კონფლიქტების მოგვარების საკითხებში საქართველოს სახელმწიფო მინისტრის აპარატის დებულებაში შეტანილ იქნეს შემდეგი ცვლილებები:
1. დებულების პირველი მუხლის მე-7 პუნქტი ჩამოყალიბდეს შემდეგი რედაქციით:
,,7. აპარატის ადგილსამყოფელია ქ. თბილისი, რუსთაველის გამზირი N12".
2. დებულების მე-3 მუხლი ჩამოყალიბდეს შემდეგი რედაქციით:
,,მუხლი 3. აპარატის შემადგენლობა
ამ დებულებისა და საშტატო ნუსხის შესაბამისად აპარატში დგინდება შემდეგი თანამდებობები:
ა) სახელმწიფო მინისტრის მოადგილე;
ბ) სახელმწიფო მინისტრის მოადგილე - აპარატის უფროსი;
გ) მთავარი მრჩეველი;
დ) უფროსი მრჩეველი;
ე) მრჩეველი;
ვ) უფროსი სპეციალისტი.».
3. დებულების მე-4 მუხლი ჩამოყალიბდეს შემდეგი რედაქციით:
,,მუხლი 4. აპარატის ხელმძღვანელობა
1. აპარატის საერთო ხელმძღვანელობას ახორციელებს საქართველოს სახელმწიფო მინისტრი.
2. აპარატის მიმდინარე საქმიანობას ხელმძღვანელობს სახელმწიფო მინისტრის მოადგილე. სახელმწიფო მინისტრის მოადგილეს თანამდებობაზე ნიშნავს და თანამდებობიდან ათავისუფლებს სახელმწიფო მინისტრი.
3. სახელმწიფო მინისტრის მოადგილე:
ა) მოქმედებს სახელმწიფო მინისტრის მითითებით, ხელმძღვანელობს და კოორდინაციას უწევს აპარატის საქმიანობას;
ბ) წარმოადგენს სახელმწიფო მინისტრს სამთავრობო სტრუქტურებში, შეხვედრებსა და ფორუმებზე, აგრეთვე ასრულებს მის მოვალეობას სახელმწიფო მინისტრის შვებულების, მივლინების ან სხვა აუცილებელი მიზეზით დაწესებულებაში არყოფნის დროს.
4. აპარატის საქმიანობის უშუალო ხელმძღვანელობას და კოორდინაციას ახორციელებს სახელმწიფო მინისტრის მოადგილე - აპარატის უფროსი, რომელსაც თანამდებობაზე ნიშნავს და თანამდებობიდან ათავისუფლებს სახელმწიფო მინისტრი.
5. აპარატის უფროსი:
ა) მოქმედებს სახელმწიფო მინისტრის მითითებით;
ბ) სახელმწიფო მინისტრს თანამდებობაზე დასანიშნად წარუდგენს აპარატის საშტატო ნუსხით გათვალისწინებულ მომსახურეთა კანდიდატურებს, აგრეთვე წინადადებებს მათი ფუნქციური მოვალეობების შესახებ;
გ) სახელმწიფო მინისტრისა და სახელმწიფო მინისტრის პირველი მოადგილის შვებულების, მივლინების ან სხვა აუცილებელი მიზეზით მეთაურ დაწესებულებაში არყოფნის დროს წარმოადგენს სახელმწიფო მინისტრის
აპარატს სამთავრობო სტრუქტურებში, შეხვედრებსა და ფორუმებზე, სახელმწიფო მინისტრის დავალებით ასრულებს მის მოვალეობებს."
4. დამტკიცდეს კონფლიქტების მოგვარების საკითხებში საქართველოს სახელმწიფო მინისტრისა და სახელმწიფო მინისტრის აპარატის თანდართული საშტატო ნუსხა.
5. კონფლიქტების მოგვარების საკითხებში საქართველოს სახელმწიფო მინისტრისა და სახელმწიფო მინისტრის აპარატის რიცხოვნობა განისაზღვროს 21 ერთეულით.
6. დადგენილება ამოქმედდეს გამოქვეყნებისთანავე.
პრემიერ-მინისტრი ზურაბ ნოღაიდელი
დამტკიცებულია
საქართველოს მთავრობის
2006 წლის 22 დეკემბრის
N247 დადგენილებით
კონფლიქტების მოგვარების საკითხებში საქართველოს სახელმწიფო მინისტრის აპარატის საშტატო ნუსხა
N თანამდებობა რაოდენობა
საქართველოს სახელმწიფო მინისტრი 1
1. სახელმწიფო მინისტრის მოადგილე 1
2. სახელმწიფო მინისტრის მოადგილე - აპარატის უფროსი 1
3. მთავარი მრჩეველი 6
4. უფროსი მრჩეველი 5
5. მრჩეველი 3
6. უფროსი სპეციალისტი (სამეურნეო მუშაკი) 4
7. სულ 21