2008 წლის 18 ივნისს გაიმართა საქართველოს მთავრობის სხდომა. დღის წესრიგში შეტანილი იყო 13 საკითხი. დღის წესრიგი
სხდომის დაწყებისას საქართველოს პრემიერ-მინისტრმა ვლადიმერ გურგენიძემ აღნიშნა, რომ დღევანდელ სხდომაზე მთავრობა იმსჯელებს ,,საქართველოს 2008 წლის სახელმწიფო ბიუჯეტის შესახებ" საქართველოს კანონში შესატან ცვლილებებზე, აგრეთვე იმ კანონპროექტების პაკეტზე, რომელთა მიზანია გადასახადების შემცირება. ჩვენ, თქვა მან, შემუშავებული გვაქვს საკმაოდ ფრთხილი, დაბალანსებული ვარიანტი, რომელმაც შეიძლება პარლამენტში გამართული დისკუსიის შემდეგ გარკვეული მოდიფიკაცია განიცადოს და საბოლოოდ უფრო რადიკალურიც გახდეს. გარდა ამისა, პაკეტი მოიცავს 2-3 კონკრეტულ ღონისძიებას, ცვლილებებს კანონებში, რაც ხელს შეუწყობს საქართველოში მეღვინეობის სექტორის, მევენახეობის განვითარებას. ეს ძალზე მნიშვნელოვანი და დროულია, რადგან რთველი გვიახლოვდება.
საქართველოს მთავრობის კანცელარიის საორგანიზაციო დეპარტამენტი