2015-11-13
საქართველოსა და სლოვაკეთს გააჩნია დიდი პოტენციალი იმისთვის, რომ ქვეყნებს შორის პარტნიორობა გაღრმავდეს და განვითარდეს,- ამის შესახებ სამუშაო სადილზე აღინიშნა.
სლოვაკეთის რესპუბლიკაში ოფიციალური ვიზიტით მყოფი საქართველოს დელეგაცია, რომელსაც პრემიერ-მინისტრი ირაკლი ღარიბაშვილი ხელმძღვანელობს, სლოვაკეთის პრემიერ-მინისტრის სახელით გამართულ სამუშაო სადილს დაესწრო.
მხარეებმა ორ ქვეყანას შორის არსებულ მეგობრულ და პარტნიორულ ურთიერთობებზე იმსჯელეს და თანამშრომლობის განმტკიცების იმედი გამოთქვეს.
პრემიერ-მინისტრის პრესსამსახური