2015-09-23
უდიდესი მწუხარება მინდა გამოვთქვა ავღანეთში ქართველი სამხედრო მოსამსახურის ვასილ ყულჯანიშვილის დაღუპვის გამო. თანავუგრძნობ და ვიზიარებ დაღუპული ჯარისკაცის ოჯახისა და ახლობლების უდიდეს ტკივილს, ტკივილს, რომელსაც ვერაფერი გაანელებს.
ჩვენ სამშობლოსათვის თავდადებული კიდევ ერთი ვაჟკაცი დავკარგეთ, რომელიც მსოფლიოში მშვიდობისათვის ბრძოლას შეეწირა. ქედს ვიხრი და პატივს მივაგებ მის ხსოვნას, სამძიმარს ვუცხადებ ქართველ ხალხს, რომელიც არასოდეს დაივიწყებს თავისი გმირების სახელებს.
საქართველოს პრემიერ-მინისტრი
ირაკლი ღარიბაშვილი