2015-09-12
საქართველოს პრემიერ-მინისტრი ირაკლი ღარიბაშვილი საინვესტიციო კომპანია ,,POWERCHINA-ს" ვიცე-პრეზიდენტს, დიუ ჩუნგუას შეხვდა. უმსხვილესი კომპანია, რომელიც მსოფლიოს მასშტაბით სხვადასხვა სფეროში ინვესტიციებს ახორციელებს და ოპერირებას ახდენს, საქართველოში არსებულ პოზიტიურ ბიზნესგარემოს კარგად იცნობს. სწორედ ამ ფაქტორის გათვალისწინებით, ,,POWERCHINA-ს" საქართველოში ინვესტიციების განხორციელების კონკრეტული გეგმა აქვს. კომპანია ანაკლიის პორტითაა დაინტერესებული.
საქართველოს პრემიერ-მინისტრმა ხაზი გაუსვა იმ ფაქტს, რომ უცხოური კომპანიების საქმიანობისთვის ქვეყანაში თავისუფალი, გამჭვირვალე და კონკურენტუნარიანი გარემოა შექმნილი.
პრემიერ-მინისტრის პრესსამსახური