2015-05-14
2017 წელს საქართველში ჩატარდება მსოფლიო ჩემპიონატი რაგბიში ახალგაზრდებს შორის - აღნიშნული გადაწყვეტილება მსოფლიო რაგბის აღმასრულებელი კომიტეტის საბჭომ ერთხმად მიიღო.
„ ეს არის ძალიან დიდი აღიარება პირველ რიგში ჩვენი მორაგბეების და ნდობის გამოცხადება ჩვენი ქვეყნისათვის. მე მინდა თითოეულ მორაგბეს მივულოცო ეს ძალიან დიდი და მნიშვნელოვანი წარმატება. ეს არის სწორედ თქვენი დაფასება, თქვენი წარმატების დაფასება. ჩვენ ვამაყობთ თქვენით, ჩვენ ვამაყობთ ჩვენი გმირი მორაგბეებით. მე მინდა მივულოცო რაგბის ფედერაციის პრეზიდენტს, სპორტის მინისტრს, ასევე რაგბის ყველა ქომაგს.
2017 წელს ჩვენ უმაღლეს დონეზე უნდა ჩავატაროთ ეს ჩემპიონატი. მთელი მსოფლიოს ყურადღება იქნება მიპყრობილი ჩვენი ქვეყნისაკენ და რა თქმა უნდა ჩვენ ღირსეულად დავხვდებით ნაკრებებს მთელი მსოფლიოდან. ვუსურვებ წარმატებებს ჩვენ გმირ მორაგბეებს,"- განაცხადა საქართველოს პრემიერ-მინისტრმა.
პრემიერ-მინისტრის პრესსამსახური