2014-12-09
საქართველოში პირდაპირი უცხოური ინვესტიციების მოცულობის უპრეცედენტო ზრდა, ლარის კურსის გამყარება, ეკონომიკური ზრდის მაღალი მაჩვენებელი და მთავრობაში განხორციელებული საკადრო ცვლილებები იყო მთავარი თემები, რომლებზეც საქართველოს პრემიერ-მინისტრმა ირაკლი ღარიბაშვილმა პრესკონფერენციაზე ისაუბრა.
· ლარის კურსი მყარდება
· ეკონომიკური ზრდის მაჩვენებელი 5%-ს გადააჭარბებს
· 2014 წლის მესამე კვარტალში საქართველოში განხორციელებული პირდაპირი უცხოური ინვესტიციების მოცულობა 2013 წლის ანალოგიურ მაჩვენებელს 99%-ით აღემატება
· საკადრო ცვლილებები ამ ეტაპზე დასრულებულია
„ჩემი მთავარი დასაყრდენია ჩემი სიმართლე, რითაც აქამდე მოვედი ცხოვრებაში. მე ასე ვმუშაობ. მინდა დავამშვიდო ადამიანები, რომლებიც ფარისევლურად ღელავდნენ, თითქოს საყრდენი გამომაცალეს. მე ძალიან მყარად ვდგავარ", - განაცხადა ირაკლი ღარიბაშვილმა.
პრემიერ-მინისტრის პრესსამსახური