2020-08-27
ატმისა და ვაშლატამას ექსპორტის მაჩვენებელი, გასული წლის ანალოგიურ პერიოდთან შედარებით, თითქმის ორჯერ გაიზარდა
25 აგვისტოს მონაცემებით, საქართველოდან 23 109 ტონა ატამი და ვაშლატამაა ექსპორტირებული. 2019 წლის ამავე პერიოდში კი ექსპორტის მაჩვენებელი 12 556 ტონას შეადგენდა.
მოსავლის შეუფერხებლად დაბინავებისა და რეალიზებისთვის სრული დატვირთვით მუშაობს სამაცივრო და შემნახველი საწარმოები.
ატმის და ვაშლატამას ექსპორტის ხელშეწყობის მიზნით, საჭირო დოკუმენტაციის მომზადება და გაცემა ერთი ფანჯრის პრინციპით ხორციელდება. პროცესში ჩართული არიან ფიტოსანიტარიული და საბაჟო სამსახურების წარმომადგენლები.
გარემოს დაცვისა და სოფლის მეურნეობის სამინისტროში შექმნილია სამუშაო ჯგუფი, რომელიც აქტიურად მუშაობს ფერმერებისა და ატმის რეალიზატორების დაკავშირების მიმართულებებით.