✅ მთავრობის გადაწყვეტილებით, ახალი კორონავირუსის გავრცელებით შექმნილი ვითარებით გამოწვეული ეკონომიკური ზიანის შესამცირებლად და სასოფლო-სამეურნეო საქმიანობაში ჩართული ფერმერებსა და მეწარმეების მხარდასაჭერად შეღავათიანი აგროკრედიტის პროექტში ცვლილებები შედის.
✅ პროექტს ემატება:
- ჩაის გადამმუშავებელი საწარმოების ქვეკომპონენტი;
- ყურძნის გადამამუშავებელი საწარმოების ქვეკომპონენტი;
- სპირტის წარმოების მიზნით ყურძნის გადამამუშავებელი საწარმოების ქვეკომპონენტი.
✅ ასევე, შეღავათიანი აგროკრედიტის ქვეკომპონენტში - „სასურსათო მრეწველობის დაფინანსებისთვის“ იზრდება ბენეფიციარზე გასაცემი შეღავათიანი აგროკრედიტის და ლიზინგის ლიმიტი.
► აღნიშნული ქვეკომპონენტის ბენეფიციარებს აღარ ექნებათ ვალდებულება ყურძნის გადამუშავების შედეგად მიღებული ღვინისა და ალკოჰოლური სასმელების წარმოების მიზნით, სესხის აღების შემთხვევაში გადაამუშაონ კონკრეტული რაოდენობის ყურძენი.
✅ შეღავათიანი აგროკრედიტის პროექტის ფარგლებში შესაძლებელი ხდება თხილის პირველად წარმოებაზე გაცემული საბრუნავი საშუალებების სესხებზე მეორადი უზრუნველყოფა სოფლისა და სოფლის მეურნეობის განვითარების სააგენტოს მიერ.