2015-11-07
მთავრობის ადმინისტრაციის და გაეროს ქალთა ორგანიზაციის (UN Women) ორგანიზებით, 5-6 ნოემბერს დაბა გუდაურში გასვლითი სამუშაო შეხვედრა გაიმართა. შეხვედრის მიზანი იყო ოჯახში ძალადობის წინააღმდეგ ბრძოლისა და ოჯახში ძალადობის მსხვერპლთა დასაცავად გასატარებელ ღონისძიებათა 2016-2018 წლების სამოქმედო გეგმის პროექტის შემუშავება.
სამუშაო შეხვედრაში მონაწილეობა მიიღეს შესაბამისი სახელმწიფო უწყებების წარმომადგენლებმა. შედგა შეთანხმება სამოქმედო გეგმის მიზნებზე, ამოცანებზე და საქმიანობებზე.
სამოქმედო გეგმის ინდიკატორების და ბიუჯეტის ნაწილის შემუშავების და დახვეწის მიზნით, გაეროს ქალთა ორგანიზაცია (UN WOMEN) გეგმავს შესაბამისი ტრენინგების ორგანიზებას სახელმწიფო უწყებების წარმომადგენლებისთვის, რის შედეგადაც მოხდება აღნიშნული კომპონენტების გათვალისწინება სამოქმედო გეგმაში.
სამოქმედო გეგმის პროექტზე მუშაობის შემდეგ ეტაპზე მოხდება არასამთავრობო ორგანიზაციებისა და სხვა დაინტერესებულ პირთა ჩართულობა. ოჯახში ძალადობის წინააღმდეგ ბრძოლისა და ოჯახში ძალადობის მსხვერპლთა დასაცავად გასატარებელ ღონისძიებათა 2016-2018 წლების სამოქმედო გეგმაზე მუშაობის დასრულებას და მის დამტკიცებას საქართველოს მთავრობა მომავალი წლის იანვრის თვეში გეგმავს.