2015-05-07
რა გაკეთდა მთავრობის მიერ 2012 წლიდან დღემდე.
· ხელი მოეწერა ევროკავშირთან ასოცირების შეთანხმებას;
· შეიქმნა თავისუფალი და სამართლიანი საარჩევნო გარემო;
· განხორციელდა თვითმმართველობის რეფორმა;
· ამოქმედდა მცირე და საშუალო ბიზნესის ხელშემწყობი სახელმწიფო პროგრამები;
· შეწყდა პოლიტიკური მოტივით მოქალაქეთა დევნა;
· განადგურდა უკანონოდ მოპოვებული პირადი ცხოვრების ამსახველი მასალა;
· შეწყდა პატიმრების მიმართ არაადამიანური მოპყრობა და წამება;
· პოლიტიკური წნეხისგან გათავისუფლდა მედია, სასამართლო, პროკურატურა, ბიზნესი;
· დღეს დაზღვეულია საქართველოს ყველა მოქალაქე;
· დასრულდა 84 ახალი ამბულატორიის მშენებლობა;
· დაიწყო უპრეცედენტო პროგრამა - C ჰეპატიტის ელიმინაცია.
· სოლიდარობის ფონდის მეშვეობით ონკოლოგიური დაავადების მქონე 77 ბავშვის მკურნალობა დაფინანსდა;
· საცხოვრებლით უზრუნველყოფილია 29 479 დევნილი ოჯახი;
· სოციალური პაკეტის ფარგლებში 46 500 დევნილ ოჯახს გაეწია 15 მილიონი ლარის დახმარება;
· საცხოვრებელი ფართობით უზრუნველყოფილია 90 ეკომიგრანტი ოჯახი, 1 200 ეკომიგრანტს უკანონდება საცხოვრებელი სახლი;
· მოსწავლეებმა უფასო სახელმძღვანელოების მილიონ თექვსმეტი ათას შვიდასი კომპლექტი მიიღეს;
· უფასო სასკოლო ტრანსპორტი ემსახურება 52 000-ზე მეტ მოსწავლეს;
· უმაღლესი განათლების 21 სპეციალობა გახდა უფასო;
· გაიზარდა სოციალური პროგრამის ფარგლებში დაფინანსებულ სტუდენტთა რაოდენობა.
· აშენდა 8 ახალი სკოლა, შენდება 9 ახალი სკოლა;
· 2013 წელს საქართველოში დაფიქსირდა ეკონომიკის 3,3%-იანი ზრდა, ხოლო 2014 წელს - 4.8%.
· 2014 წელს, 2012 წელთან შედარებით, ექსპორტი გაიზარდა 20,5%-ით, ევროკავშირთან - 76%-ით, რუსეთთან - დაახლოებით 6-ჯერ (487,5%-ით).
· 2014 წელს 2011 წელთან შედარებით, შემოვიდა 13,9 %-ით მეტი ინვესტიცია,
· დაიწყო მიკრო და მცირე მეწარმეობის ხელშემწყობი სახელმწიფო პროგრამა;
· პირველად, საქართველოს სამთო კურორტების ისტორიაში მოხდა სათხილამურო ტრასების ხელოვნური გათოვლიანება გუდაურსა და ბაკურიანში;
· იწყება პროექტის ,,მაღალსიჩქარიანი ინტერნეტი ყველას" სამუშოები;
· თბილისთან ახლოს შენდება ტექნოლოგიური პარკი;
· ჩინეთსა და საქართველოს შორის ხელი მოეწერა შეთანხმებას ,,ახალი აბრეშუმის გზის ეკონომიკური სარტყელის" განვითარებისთვის თანამშრომლობის შესახებ;
· მნიშვნელოვანია ანაკლიაში ღრმაწყლოვანი ნავსადგურის მშენებლობა;
· აქტიურად ხორციელდება ბაქო-თბილისი-ყარსის სარკინიგზო მაგისტრალის მშენებლობა;
· დამოუკიდებელი საქართველოს ისტორიაში პირველად კახეთის რეგიონში (81 წერტილში) მიმდინარეობს სეტყვის საწინააღმდეგო დანადგარების მონტაჟი;
· გაკეთდა 55.4 კმ ახალი გზა და აშენდა 20 ახალი ხიდი, რეაბილიტაცია ჩაუტარდა 600 კმ გზას და 87 ხიდს;
· მცირემიწიან ფერმერთა საგაზაფხულო პროგრამის ფარგლებში გლეხებმა უსასყიდლოდ მიიღეს 107 მილიონ 605 ათას 506 ლარის ღირებულების სასუქი, 47 მილიონ 835 ათას 368 ლარის ღირებულების შხამქიმიკატები, 8 მილიონ 579 ათას 187 ლარის ღირებულების თესლი, 53 მილიონ 704 ათას 193 ლარის ღირებულების ინვენტარი, 232 ათას 486 ლარის ღირებულების ვეტერინარული პრეპარატები;
· მოიხნა 427 ათას 765 ჰექტარი მიწის ფართობი;
· დაფინანსდა 119 ახალი საწარმო, 600-ზე მეტი საწარმო გაფართოებულია. მთლიანობაში გაცემულია 22 ათასზე მეტი სესხი, რომელთა ღირებულება 800 მილიონ ლარზე მეტია;
· ბოლო ორი წლის განმავლობაში ინდივიდუალურად ელექტროენერგიის გამანაწილებელ ქსელში დაახლოებით 110 ათასი აბონენტი ჩაერთო და 88 ათასამდე ოჯახი გაზიფიცირდა;
· ელექტროფიცირდა 22 უშუქო სოფელი და უახლოეს მომავალში დასრულდება კიდევ 6 დასახლებული პუნქტის ელექტრიფიცირების სამუშაოები;
· დაიწყო კულტურული მემკვიდრეობის ძეგლების რეაბილიტაცია, მათ შორისაა, მუცო, დართლო, ჩაჟაში, ვარძია;
· კულტურული მემკვიდრეობების 19 ძეგლს ჩაუტარდა მასშტაბური სარეაბილიტაციო და საკონსერვაციო სამუშაოები;
· საერთაშორისო მისიებში დაღუპული სამხედრო ოჯახების ერთჯერადი კომპენსაცია გახდა 100 ათასი ლარი;
· შემუშავდა და პარლამენტში გადაიგზავნა 200-მდე კანონპროექტი, მათ შორის - არასრულწლოვანთა მართლმსაჯულების კოდექსი, რომლის ძალითაც არასრუწლოვანთათვის საქართველოში ინოვაციური სპეციალიზებული მართლმსაჯულების სისტემა ყალიბდება;
· სრული რეაბილიტაცია ჩაუტარდა სასჯელაღსრულების 3 დაწესებულებას, გაიხსნა 3 საზოგადოებრივი მისაღები;
. გაიხსნა 80 საწოლზე გათვლილი განახლებული და თანამედროვე აპარატურით აღჭურვილი სასჯელაღსრულების ცენტრალური საავადმყოფო, რომელშიც, ასევე, ფუნქციონირებს 57-ადგილიანი საცხოვრებელი შეზღუდული შესაძლებლობის მქონე პატიმრებისათვის;
. პოლიცია აღარ არის პოლიტიზებული. სამინისტრო ინარჩუნებს დეპოლიტიზების აღებულ კურსს, პოლიცია აღარ ახორციელებს პოლიტიკურ პროცესებზე ზემოქმედებას და თავის საქმიანობას წარმართავს კანონის, დემოკრატიული სტანდარტებისა და ეთიკის ნორმების დაცვით;
. საკანონმდებლო ცვლილებები განხორციელდა ისეთ სფეროებში, როგორიცაა, ნარკოტიკული დანაშაული, ოჯახში ძალადობა, ტერორიზმის წინააღმდეგ ბრძოლა, სამოქალაქო უსაფრთხოების