საქართველოს პრემიერ-მინისტრი სამუშაო ვიზიტით ჩეხეთში იმყოფებოდა.
პრაღაში საქართველოს პრემიერ-მინისტრი ჩეხეთის რესპუბლიკის პრემიერ-მინისტრს პეტრ ნეჩასს (Petr Nečas) შეხვდა.
„ჩეხეთის პრემიერ-მინისტრმა ხაზგასმით აღნიშნა, რომ ნატო-ს მომავალი წლის სამიტზე ჩეხეთი საქართელოს ევროატლანტიკურ სივრცეში ინტეგრაციას მხარს დაუჭერს. ჩეხეთი ევროკავშირთან საქართველოს ურთიერთოებების მხარს უჭერს, იგულისხმება თავისუფალი ვაჭრობის ხელშეკრულება, ლიბერალიზაცია, შემდეგ გადასადგმელი ნაბიჯები. ჩეხეთის მხარდაჭერა ყველა ამ მიმართულებით გვაქვს.
აღსანიშნავია, რომ ძალიან მნიშვნელოვანია საქართველოს და ჩეხეთს შორის ეკონომიკური ურთიერთობები. დღეს საქართველოში ჩეხეთი ერთერთი ყველაზე დიდი ინვესტორია, ჩეხეთის „ექსპორტ ბანკი" ერთერთი ყველაზე მნიშვნელოვანი ინვესტორია საქართველოში," - აღნიშნა საქართველოს პრემიერ-მინისტრმა შეხვედრის შემდეგ.
ნიკა გილაურმა შეხვედრა გამართა ჩეხეთის პირველ-ვიცე პრემიერთან, საგარეო საქმეთა მინისტრთან კარელ შვარცენბერგთან (Karel Schwarzenberg). შეხვედრაზე საუბარი შეეხო საქართველოსა და ჩეხეთის ურთიერთობებს, აგრეთვე ნატო-სა და ევროკავშირში საქართველოს ინტეგრაციის საკითხებს.
საქართველოს პრემიერ-მინისტრმა ნიკა გილაურმა მონაწილეობა მიიღო საქართველო-ჩეხეთის ბიზნეს ფორუმში და Energo pro წარმომადგენლებს შეხვდა.
შეხვედრაზე გადაწყდა, რომ Energo pro საქართველოში ახალი ჰესის მშენებლობას დაიწყებს.
„ექსპორტ ბანკი-ს" მეშვეობით საკმაოდ დიდი ინვესტიციები ხორციელდება ენერგეტიკაში. საუბარი გვაქვს ახალ პროექტებზე ტრანსპორტში, ჩეხეთის კერძო სექტორი საქართველოს სოფლის მეურნეობით არის დაინტერესებული. ჩეხეთის მთავრობისგან პოლიტიკური მხარდაჭერა გვაქვს, რათა ჩეხეთის „ექსპორტ ბანკმა" გააგრძელოს იაფიანი კრედიტების გამოყოფა ჩეხური კომპანიებისთვის, რომ მათ განაგრძონ ინვესტირება საქართველოში...
აგრეთვე, შევხვდებით ტრქტორების მწარმოებელ ერთერთ უმსხვილესი ქარხნის წარმომადგენლებს. ეს ქარხანა დაინტერესებულია საქართველოში მნიშვნელოვანი ცენტრის გაკეთებით. აპირებს ახალი ტრაქტორების მწარმოებელი ქარხნის აშენებას, რომელიც ასობით ახალ სამუშაო ადგილს შექმნის.
პრემიერ-მინისტრის პრესსამსახური