საქართველოს პრემიერ-მინისტრი ბატონი ზურაბ ნოღაიდელი 18 მაისს სამუშაო ვიზიტით გერმანიის ფედერაციულ რესპუბლიკაში იმყოფებოდა
პრემიერ-მინისტრი სიტყვით გამოვიდა გლობალური უსაფრთხოების საკითხებისადმი მიძღვნილ საერთაშორისო კონფრენციზე: "21-ე საუკუნეში მშვიდობისა და უსაფრთხოებისათვის". კონფერენციაში აგრეთვე მონაწილეობდნენ ევროპის ქვეყნების, ამერიკის შეერთებული შტატებისა და საერთაშორისო ორგანიზაციების წარმომადგენლები.
ვიზიტის დროს ზურაბ ნოღაიდელი შეხვდა გერმანიის საგარეო საქმეთა მინისტრს ბატონ ფრანკ-ვალტერ შტაინმაიერს (Frank-Walter Steinmeier) და შინაგან საქმეთა მინისტრს ბატონ ვოლფგანგ შოიბლეს (Wolfgang Schäuble).
საქართველოს პრემიერ-მინისტრი 20 მაისს ბერლინიდან სამუშაო ვიზიტით ლონდონში გაემგზავრება.
საქართველოს მთავრობის კანცელარიის პრესცენტრი