საქართველოს პრემიერ-მინისტრის ბრძანება N235
02 აგვისტო, 2006
ევროპულ და ევროატლანტიკურ სტრუქტურებში ინტეგრაციის საკითხებში საქართველოს სახელმწიფო მინისტრის აპარატის ზოგიერთი თანამდებობის პირის დიპლომატიური თანამდებობის პირებთან გათანაბრების შესახებ
1. ,,დიპლომატიური სამსახურის შესახებ" საქართველოს კანონის მე-2 მუხლის ,,თ" ქვეპუნქტის შესაბამისად:
ა) უმაღლესი დიპლომატიური თანამდებობის პირებთან გათანაბრდეს ევროპულ და ევროატლანტიკურ სტრუქტურებში ინტეგრაციის საკითხებში საქართველოს სახელმწიფო მინისტრის მოადგილე;
ბ) უფროსი დიპლომატიური თანამდებობის პირებთან გათანაბრდნენ ევროპულ და ევროატლანტიკურ სტრუქტურებში ინტეგრაციის საკითხებში საქართველოს სახელმწიფო მინისტრის აპარატის ევროინტეგრაციის საკითხთა კოორდინაციის სამსახურის უფროსი, ევროატლანტიკური ინტეგრაციის საკითხთა კოორდინაციის სამსახურის უფროსი, ევრო-კავშირის პროგრამების კოორდინაციის სამსახურის უფროსი, საქართველოს სახელმწიფო მინისტრის თანაშემწე;
გ) უმცროსი დიპლომატიური თანამდებობის პირებთან გათანაბრდნენ ევროპულ და ევროატლანტიკურ სტრუქტურებში ინტეგრაციის საკითხებში საქართველოს სახელმწიფო მინისტრის აპარატის ევროინტეგრაციის საკითხთა კოორდინაციის სამსახურის უფროსის მოადგილე, ევროატლანტიკური ინტეგრაციის საკითხთა კოორდინაციის სამსახურის უფროსის მოადგილე, ევროკავშირის პროგრამების კოორდინაციის სამსახურის უფროსის მოადგილე.
2. ბრძანება ამოქმედდეს გამოქვეყნებისთანავე.
ზურაბ ნოღაიდელი