საქართველოს პრემიერ-მინისტრის ბრძანება N257
11 ოქტომბერი, 2006
საქართველოსა და საერთაშორისო განვითარების ასოციაციას შორის ხელმოწერილი ,,დაფინანსების ხელშეკრულებით" გათვალისწინებული ,,ფრინველის გრიპის კონტროლის, პანდემიისათვის მზადყოფნისა და მასზე რეაგირების პროექტის" განმახორციელებელი ჯგუფის (გუნდი) შექმნის შესახებ
,,საქართველოს მთავრობის სტრუქტურის, უფლებამოსილებისა და საქმიანობის წესის შესახებ" საქართველოს კანონის 29-ე მუხლის პირველი პუნქტისა და საქართველოსა და საერთაშორისო განვითარების ასოციაციას შორის ხელმოწერილი ,,დაფინანსების ხელშეკრულებით" გათვალისწინებული ,,ფრინველის გრიპის კონტროლის, პანდემიისათვის მზადყოფნისა და მასზე რეაგირების პროექტის" მე-2 თავის პირველი ნაწილის შესაბამისად შეიქმნას პროექტის განმახორციელებელი ჯგუფი (გუნდი) შემდეგი შემადგენლობით:
ზვიად ხარებავა - საქართველოს პრემიერ-მინისტრის მრჩეველი, ჯგუფის ხელმძღვანელი
დიმიტრი გვინდაძე - საქართველოს ფინანსთა მინისტრის მოადგილე
ლევან რამიშვილი - საქართველოს სოფლის მეურნეობის მინისტრის მრჩეველი
ლევან ჯუღელი - საქართველოს შრომის, ჯანმრთელობისა და სოციალური დაცვის მინისტრის მოადგილე
ლევან ჯღარკავა - საქართველოს ფინანსთა სამინისტროს სახელმწიფო საქვეუწყებო დაწესებულების - საბაჟო დეპარტამენტის საბაჟო კონტროლის ორგანიზაციის სამმართველოს უფროსი.
ზურაბ ნოღაიდელი