2024-05-05
Қырҭтәыла аҧыза-министр Иракли Кобахиӡе Азиатәи аҿиара абанк (ADB) ахада Масацугу Асакавеи ADB 57-тәи есышықәсатәи аиҧылара иалахәы аделегациақәеи аофициалтә адкылараҿы идикылеит.
Аиҳабыра рнапхгаҩы ахада Асакавеи Азиатәи аҿиара абанк агәыҧи ҭабуп ҳәа раҳәаны, иаҵшьны иазгәеиҭеит ари аусмҩаҧгатә Қырҭтәыла амҩаҧгара аҵакы ду шамоу.
„Қырҭтәыла, Қарҭ Азиатәи аҿиара абанк шықәсыктәи аиҧылара амҩаҧгареи асас дахьқәа рыдкылареи ҳара ҳзы ҳаҭыр дууп. Асасдкылара ақырҭуа ҟазшьа хадоуп, ақырҭуаа лассы-лассы иаҳҳәалоит асас Анцәа дузааишьҭит ҳәа. Убри аҟынтә, шәара ҳтәыла ақәҿиара дуқәа азаажәгоит ҳәа ҳгәы иаанагоит.
Ҳаиҩызареи ҳусеицуреи ашьаҭа ҕәҕәа амоуп, ҳара уи даараӡа ҳаигәырҕьоит.
Қырҭтәыла ибзианы аамҭа мҩаҧыжәгап ҳәа ҳгәыҕуеит. Азиатәи аҿиара абанк есышықәсатәи аиҧылара аиҿкааҩцәеи ари апроцесс иалахәыз ауааҧсыреи ҭабуп ҳәа расҳәоит", - иҳәеит аҧыза-министр.
Азиатәи аҿиара абанки Қырҭтәылеи рыбжьара қәҿиарала имҩаҧысуа аусеицура дахцәажәеит ADB ахада. Масацугу Асакава аҧыза-министр Иракли Кобахиӡе аусмҩаҧгатә амҩаҧгаразы ҭабуп ҳәа иеиҳәеит.
„Азиатәи аҿиара абанк есышықәсатәи аиҧылара Қырҭтәыла раҧхьаӡа акәны имҩаҧысуеит, адгылареи абри ахәылҧаз бзиеи азыҳәан ҭабуп ҳәа шәаҳҳәоит.
Европеи Азиеи рымҩеихысырҭаҿы ишьҭоу Қырҭтәыла аконтинентқәа рыбжьара атауари, асервисқәеи, аинформациеи аиҭныҧсахларазы ацҳас ишьақәгылеит.
Абри есышықәсатәи аиҧылара зеиҧшҟамлац алшара шәнаҭоит шәтәыла аресурсқәа раарҧшреи егьырҭ атәылақәа рыдгалареи азыҳәан. Адинамикатә економика, ибеиу аҭоурых, аҧсабара ссир, згәы ҳалалу ажәлар уҳәа, абра ухызхуа рацәоуп", - иҳәеит ADB ахада.
Лаҵара 2-5 рзы Қарҭ имҩаҧысуа Азиатәи аҿиара абанк 57-тәи есышықәсатәи аиҧылара иалахәып 68 ҳәынҭқаррақәа рҟынтә 4 000-ҩык раҟа асасцәа.
Аиҳaбырa рaдминистрaциa aпрессмaҵзура