2024-01-18
Қырҭтәыла аҧыза-министр Иракли Ҕарибашвили аилахәыра Alshaya Group анагӡаратә хантәаҩы Моҳамед Алшаиа диҧылеит.
Моҳамед Алшаиа аҧыза-министр идидырит аилахәыра аусура аҧыжәарақәеи ахадаратә хырхарҭақәеи. Аиҳабыра рнапхгаҩы Қырҭтәылаҿ еиқәыршәоу иманшәалоу абизнеслагылазаареи иҭышәынтәалоу аекономикатә аҿиареи далацәажәеит. Аганқәа рхаҭарнакцәа ишырҳәаз ала, ҳаҧхьаҟа аусеицура иазыхиоуп, дара ари ахырхарҭала аконкреттә усхкқәа ирыхәаҧшит.
Alshaya Group Кувеиттәи аҳәынҭқарра идуӡӡоу аилахәырақәа иреиуп, уи 70 иреиҳаны абрендқәа рзы френчаиз операторуп, зыӡбахәы ҳәоу абрендқәа иреиуп Starbucks, Mothercare, H&M, Debenhams, American Eagle Outfitters, Payless, убас егьырҭгьы. Аилахәыра апортфолио иаҵанакуеит иакымкәа асекторқәа: агәабзиарахьчара, арҧшраӡа, аҩнымаҭәа, амода, акрыфара, аҧсшьара, агәырҿыхара, убас егьырҭгьы. Ари аилахәыра адунеи зехьынџьара шәкыла адәқьанқәеи, акаҳуажәырҭақәеи, аресторанқәеи, онлаин-бизнеси, аҧхьаӡацтә бизнеси амоуп. Alshaya Group, азаҵәҭиратә операциақәа инарываргыланы, иеиҭамҵуа амали, аргылареи, асасаарҭақәеи, амашьынақәеи, аусхкқәа рҿы аус ауеит. Аилахәыраҿ аус руеит 46 000-ҩык иреиҳаны ауааҧсыра, уи 12,7 миллиард адоллар ахашәала амоуп. Зыӡбахәы ҳәоу аилахәыра Европеи, Азиеи, Ааигәатә Мрагылареи атәылақәа рацәа рҿы аус ауеит.
Аиҳaбырa рaдминистрaциa aпрессмaҵзура