2024-01-17
.jpeg)
Қырҭтәыла аҧыза-министр Иракли Ҕарибашвили аилахәыра Mærsk анапхгаҩы Роберт Маерск диҧылеит.
Давос имҩаҧгаз аиҧылараҿы ахадаратә ҵакы рыман Қырҭтәылаҿ APM Terminals аусуреи ҳаҧхьаҟа аусеицура аперспективақәеи ирызкыз азҵаарақәа.
Иракли Ҕарибашвили Роберт Маерски Қырҭтәылаҿ ари аилахәыра аусура адинамика иалацәажәеит. Аганқәа рхаҭарнакцәа ҳаҧхьаҟа иҟарҵараны иҟоу аконкреттә шьаақәа ирзааҭгылеит.
Хшыҩзышьҭра ҷыда азун Абжьаратә корридор, ишазгәаҭаз ала, уи Европеи Азиеи еимыздо альтернативтә маршрутуп. Аҧыза-министр ишиҳәаз ала, Қырҭтәыла „Абжьаратә корридор" инагӡаны аусура иазҿлымҳауп, абри атранспорттә маршрут жәларбжьаратәи аҩаӡараҟны аӡыргара иадгылоит.
Аҧыза-министр иаҵшьны иазгәеиҭеит Ҧуҭтәи амшынтә баҕәаза аидараеикәшара ишазҳаз, иара иажәақәа рыла, 2023 шықәсазы Ҧуҭтәи амшынтә баҕәаза иаднакылаз аконтеинерқәа рхыҧхьаӡара 2022 шықәсатәи арбагақәа раасҭа 65.7%-ла еиҳауп.
Даниатәи аилахәыра Maersk абизнесусура мҩаҧнагоит абарҭ ахырхарҭақәа рыла: амҩангара, абаҕәаза ахархәара, аидара анагаратә адаҷ аменеџьменти аидара ашьҭаҵареи. Аилахәыра ишьаҭаркуп Коппенгаген, уи 130 ҳәынҭқаррақәа рҿы аилахәыраҿыгақәеи аофисқәа амоуп, иара убас, Қырҭтәылагьы аус ауеит аилахәыраҿыга - APM Terminals ахархәарала.
Аилахәыра Maersk аҿы аус руеит 100 000ҩык иреиҳаны ауааҧсыра.
Maersk 81,5 миллиард адоллар ахашәала амоуп. 2023 шықәсазы Forbes Global 2000 аҿы Møller-Maersk адунеиаҿ 174-тәи идуӡӡоу аҳәынҭқарратә еилахәырас иазхаҵан. Уи адунеиаҿ идуӡӡоу аидарамҩангаратә еилахәырақәа иреиуп, афлот дуӡӡа амоуп.
Аиҳaбырa рaдминистрaциa aпрессмaҵзура