2021-12-15
Қырҭтәыла аҧыза-министр Иракли Ҕарибашвили:
Иҭабуп, ҳаҭыр зқәу амаӡаныҟәгаҩ хада. Ҭабуп ҳәа шәасҳәоит иахьа НАТО аофис хадаҿы сыдкыларазы. НАТО-Қырҭтәылатәи адинамикатә еизыҟазаашьақәеи, амш аусхәаҧштәи, насгьы, ҳәарада, ҳинтеграциа апроцесси рылацәажәара ҳара ҳзы еснагь ҳаҭыр дууп.
Ҳара хырҳагара зхылҵуа аиҧылара мҩаҧаагеит, арегиони ҳтәылеи рҿы имҩаҧысуа апроцессқәеи аурыс ампыҵахалареи ҳалацәажәеит. Изныкымкәа исҳәхьеит, иахьагьы еиҭасҳәоит НАТО алалара азҵаара Қырҭтәыла адәныҟатәии ашәарҭадаратәи политикаҿы ахадаратә ҵакы шамоу, ақырҭуа жәлар, еицҿакны, абри апроцесс ишадгыло. Алианс аҟны ҕәҕәала аусеицура ҳаҿуп НАТО ашҟа Қырҭтәыла аинтеграциа иазку ахәаҧшыра аус адуларазы. Абри аҩыза аӡбара адкыларазы иаҭаху апрактикатә харҳәагақәа зегьы ҳамоуп, НАТО ашҟа Қырҭтәыла алалара иазкны аполитикатә аӡбара адкылара амзызла, аидгылаҩцәа рҟны активла аиҿцәажәарақәа мҩаҧаагоит.
Ишәгәаласыршәар сҭахуп 2008 шықәсазы Бухаресттәи асаммит аҿы адгылаҩцәа ишырыӡбаз Қырҭтәыла хымҧада НАТО иалалоит ҳәа. Усҟан ашьҭымҭа ҕәҕәа ҟаҵан, уи иахьагьы актуалра ду амоуп. Убри аҟынтә, 2008 шықәсазы Бухаресттәи асаммит аҿы ирыдыркылаз аӡбара анагӡаразы иахьагьы гәыкала аусура ҳаҿуп.
Аҳәынҭқаррақәа зегьы, рхы иақәиҭны, рхатә адәныҟатәи политика ахырхарҭа алхра азин рымоуп, НАТО ашҟа Қырҭтәыла аинтеграциа апроцесс абри апринцип ашьаҭала имҩаҧысуеит. Агәра ганы ҳаҟоуп абри аӡбара анагӡара НАТО азгьы актуалатә ҵакы шамоу.
НАТО- Қырҭтәылатәи апакет наӡа қәҿиарала анагӡара абзоурала, апрактикатә усеицура арҭбаара апроцесс аҿгьы апрогресс ду ҳамоуп. Аҭыҧаҿы НАТО аусура амҽхак иаҳа-иаҳа иҭбаахоит. НАТО иалоу аҳәынҭқаррақәа рыцхыраара акәымзҭгьы, абри аҩыза апрогресс зыҟаломызт. Убри аҟынтә, шәареи аидгылаҩцәеи ҷыдала ҭабуп ҳәа шәасҳәоит гәыкала шәахьҳацхраауа азыҳәан.
Амшын еиқәа ашәарҭадара азҵаараҿгьы НАТОи ҳареи, ҳпартниорра ҳәаақәа ирҭагӡаны, қәҿиарала аус еицаауеит. Ишубарҭоу ала, Амшын еиқәа арегион аҿы аҭынчреи ашәарҭадареи ҟамлар, азеиҧш евроатлантикатә шәарҭадарагьы зыҟалом.
Ҳара Амшын еиқәа арегион аҿы НАТО активра аизырҳара ҳадгылоит, уи аҵакы ду амоуп ҳрегион аҭышәынтәалара ахьчаразы.
Иара убас, НАТО, ахатә стратегиатә концепциа арҿыцразы ирыдыркылаз аӡбара ҳадгылоит. Ҳара агәра ганы ҳаҟоуп зыӡбахәы ҳәоу адокумент аҿы НАТО иаарту ашәқәа аполитикеи Қырҭтәыла аинтеграциа азҵаареи ишахәҭоу еиҧш ишаарҧшызаауа.
Иахьа исымоу алшара схы иархәаны, аидгылаҩцәа зегьы ҭабуп ҳәа расҳәар сҭахуп Қырҭтәыла ахьыҧшымреи, аҵакырадгьылтә акзаареи, азхаҵамра аполитикеи ҕәҕәала иахьадгыло азыҳәан, ақырҭуа жәлар абри адгылара иҳаракны ахә ршьоит.
Амаӡаныҟәгаҩ хада ҭабуп ҳәа иасҳәоит алианс ашҟа Қырҭтәыла аинтеграциа апроцесс аҿы хаҭала иҟаиҵаз алагала ду азыҳәан.
Қырҭтәыла, евроинтеграциа апроцесс аҿы ақәҿиара ду амоуп. Ҳинтеграциа апроцесс активизациеи аконкреттә политикатә аӡбара адкылареи аамҭа ааит ҳәа ҳгәы иаанагоит. Уи аспирант тәылақәа зегьы гәызҭаҵагас ирзыҟалоит аҵыхәтәантәи ахықәкы анагӡара амзызла ааҧсарада аусуреи ахмеигӡареи, ахықәкы хада азгәыкреи азыҳәан. Зыӡбахәы ҳәоу аӡбара ала, арегион атәылақәа зегьы идҳардыруеит НАТО абра ишыҟоу, уи зеиҧшҟамлац ала ишыҕәҕәоу.
НАТО амаӡаныҟәгаҩ хада Иенс Столтенберг:
Қырҭтәыла аҧыза-министр, акыр иаҧсоу Иракли, шәҧылара даараӡа ҳаигәырҕьеит, НАТО аофис хадаҿы даҽазнык салам шәаҳҭоит.
Қырҭтәылеи алианси русеицура, аҵабыргны, идуны ахә ҳшьоит. Қырҭтәыла ҳара иаҳзааигәаӡоу ҳпартниорцәа иреиуп, ҳазну амза алагамҭазы Рига еизаз аидгылаҩцәа даҽазнык ишьақәдырҕәҕәеит Қырҭтәыла ахьыҧшымреи аҵакырадгьылтә акзаареи ишадгыло.
Урыстәылахь ааҧхьара ҟаҳҵоит Аҧсни Аахыҵ Уаҧстәылеи рызхаҵара иаҟәыҵны, зыӡбахәы ҳәоу аҵакырадгьылқәа рҟынтә рбџьармчқәа алыргарц.
Иахьа арегион аҿы ашәарҭадара аганахьала аҭагылазаашьа ҳалацәажәеит, Украина иаакәыршаны аурыс арратә мчқәа рхыҧхьаӡара аизырҳара азҵаарагьы уахь иналаҵаны. Иара убас, Амшын еиқәа арегион аҿы аилаҩынытәра аиҿкааразы Урыстәыла имҩаҧнаго аполитикагьы ҳалацәажәеит.
Агәҽанызаареи аескалациа аҽыхьчареи хымҧадоуп, уи азы ҳҳәатәы еиқәшәоит. Урыстәыла, даҽазнык агрессиа аанарҧшыр, уи алҵшәа цәгьа ахылҵуеит, крызҵазкәа аполитикатәи аекономикатәи алҵшәа цәгьақәа.
Қырҭтәылеи Украинеи, дара рхала адгылаҩцәа ралхра азин рымоуп, Урыстәыла абарҭ атәылақәа рықәыҕәҕәара азин амам.
Изакәызаалак ак ала Европа анырразы мап ҳкуеит. Уи аҭоурыхтә аихьӡароуп, абасҵәҟьа иаанхароуп.
Убри аҟынтә, алианс, ҳаҧхьаҟагьы ахатә партниорцәа аполитикатәи апрактикатәи ганахьала ирыцхраауеит. Амшынтә акваториаҿы Қырҭтәыла ацхраареи, азеиҧш арратә азыҟаҵарақәеи, аинформациа аиҭныҧсахлареи ала, абри атәыла ахыхьчаралшара арҕәҕәаразы аус еицаауеит.
Қырҭтәыла аҧыза-министри сареи атәыла аҩнуҵҟа имҩаҧгоу ареформақәеи шықәсыктәи амилаҭтә программа анагӡареи ҳалацәажәеит. Аӡбаратә система ареформа нагӡатәуп, уи аҵакы ду амоуп, иара убас, амедиа ахақәиҭреи ашәарҭадареи асектор аҿы аҳасабырбара аизырҳара ахырхарҭалагьы аусура наӡатәуп.
Иара убас, ишәыбжьазгоит аоппозициаа рҟны аполитикатә ҳәатәеиқәымшәара азҵаара аҭыҧқәҵареи аполиаризациатә риторика армаҷреи ахырхарҭала аусура нашәыгӡарц. Аҵыхәтәантәи ашықәсқәа рзы шәхы шәамеигӡакәа адемократиатә стандартқәа рышьақәыргылара шәаҿын, шәара абарҭ астандартқәа аҵыхәанӡа шәрықәныҟәароуп, абри ауп алианс Қырҭтәылантә иззыҧшу.
Ҳаҭыр зқәу аҧыза-министр, даҽазнык салам шәысҭоит, абра шәыҟазаара ҳгәы иаахәеит. Қырҭтәылеи ҳареи иҳабжьоу апартниорра ҳаигәырҕьоит. Иара убас, ҷыдала ҭабуп ҳәа шәасҳәар сҭахуп Қырҭтәыла кыршықәса рыҩнуҵҟа Афганистан имҩаҧысуаз амиссиа иахьалахәыз азыҳәан. Шәра жәларбжьаратәи атерроризм иаҿагылоу ақәҧараҿы алагала ду ҟашәҵон, насгьы, сынтәа нанҳәазы, Афганистанынтә зқьҩыла ауааҧсыра ревакуациаҿы шәҳацхрааит.
Афганистан ҳмиссиа алҵшәа ахылҵит. Ҳара жәларбжьаратәи атерроризм аҿагылара азы акәын абри атәыла ҳзалалаз, цәыббра 11 анеҩс Афганистанынтә ҳтәылақәа рҿы атеррористтә акткгьы ҟамлеит. Афганистан жәларбжьаратәи атерроризм оазисны еиҭаҟамларц азыҳәан, ҳаидгыланы, ақәҧара наҳагӡоит.
Абри алагьы иубарҭоуп Қырҭтәылеи НАТОи рпартниорра ҩ-ганктәи аҟазшьа шамоу. Ҳара-ҳара ҳаицхыраауеит. Еиуеиҧшым амиссиақәеи аинициативақәеи рҳәаақәа ирҭагӡаны аҵыхәтәантәи ашықәсқәа рзы алианс иазаашәырҧшыз адгыларазы ҭабуп ҳәа шәаҳҳәоит.
Даҽазнык салам шәысҭоит.