2021-12-15
Қырҭтәыла аҧыза-министр Иракли Ҕарибашвили НАТО амаӡаныҟәгаҩ хада Иенс Столтенберг диҧылеит.
Алианс амаӡаныҟәгаҩ хада Қырҭтәыла аиҳабыра рнапхгаҩы дидикылеит Бриуссель, НАТО аофис хадаҿы.
Аиҧылара алахәылацәа НАТО-Қырҭтәылатәи еизыҟазаашьақәа русхәаҧштәи аинтеграциа ахырхарҭала иҟаҵоу ашьаҿақәеи ирылацәажәеит.
Аиҧылараҿы аҧыза-министр ишазгәеиҭаз ала, Қырҭтәыла ауааҧсыра зегьы, еицҿакны, НАТО алалара иақәшаҳаҭуп, убри аҟынтә, атәыла адәныҟатәи ашәарҭадаратәи политикаҿы абри азҵаара аҵакы хада анашьоуп.
Хшыҩзышьҭра азун Қырҭтәылеи НАТОи русеицура ҕәҕәа. Ишазгәаҭаз ала, Қырҭтәыла, НАТО алаларазы апрактикатә хархәагақәа зегьы амоуп, убри аҟынтә, аҵакы ду амоуп НАТО ашҟа Қырҭтәыла алалара иазкны аполитикатә аӡбара адкылара.
Аиҧылараан иаҵшьны иазгәаҭан аҳәынҭқаррақәа зегьы, рхы иақәиҭны, рхатә адәныҟатәи политика ахырхарҭа алхра азин рымоуп, НАТО ашҟа Қырҭтәыла аинтеграциа апроцесс абри апринцип ашьаҭала имҩаҧысуеит.
Аганқәа рхаҭарнакцәа, Амшын еиқәа ашәарҭадара азҵаара иадҳәаланы НАТО-Қырҭтәылатәи апрактикатә усеицура иалацәажәан, иаҵшьны иазгәарҭеит Амшын еиқәа арегион аҿы аҭышәынтәалара азеиҧш евроатлантикатә ҭышәынтәалара аиқәыршәара апроцесс аҿы ҵакыс иамоу.
Аҧыза-министр НАТО амаӡаныҟәгаҩ хадеи алианс алахәылацәеи ҭабуп ҳәа реиҳәеит Қырҭтәыла ахьыҧшымреи, аҵакырадгьылтә акзаареи, азхаҵамра аполитикеи адгыларазы.
Иара убас, Иракли Ҕарибашвили иаҵшьны иазгеиҭеит алианс ашҟа Қырҭтәыла аинтеграциа апроцесс аҿы НАТО амаӡаныҟәгаҩ хада хаҭала иҟаиҵаз алагала ду.
Аиҧылара ашьҭахь, Қырҭтәыла аҧыза-министри НАТО амаӡаныҟәгаҩ хадеи аҳәамҭақәа еицыҟарҵеит.
Аиҳaбырa рaдминистрaциa aпрессмaҵзура