2021-12-10
.jpeg ".")
Қырҭтәыла Аҧыза-министр Иракли Ҕарибашвили Орбелиани ишҭаҿы, аҭоурыхтә џьармыкьа аҵакырадгьыл аҿы „Орбелианиҿ аџьармыкьа" ааиртит.
18 миллион лари иаҧсоу апроект 9 миллион азоушьҭын апрограмма "Иҟаҵа Қырҭтәылаҿ" аҳәаақәа ирҭагӡаны. 1886 шықәса инаркны аҳҭнықалақь аҭоурыхтә раион аҿы иҟаз аколнхаратә џьармыкьа ахыбра еиҭашьақәыргылоуп. „Орбелианиҿ аџьармыкьа" 3 еихагылак рҿы, 10 000 аквадраттә метр аҵакырадгьыл аҿы, еиҿкаауп ҳаамҭазтәи астандартқәа ирышьашәалоу аколнхаратә џьармыкьеи афатәаалыҵ азы ақәыҧшылареи.
Аҭыҧаҿы ицәыргоуп еиуеиҧшым ақыҭанхамҩатә программақәа рхархәаҩцәа раалыҵ. Актәи аихагыла аџьармыкьа иазкуп, уаҟа, 100 еиҳаны аҭыҧқәа рҿы еиуеиҧшым аалыҵ рҭиуеит. Уажәазы аџьармыкьаҿы аусура иалагоит 100-ҩык иреиҳаны анаплакҩцәеи цырала аалыҵ зҭиуа ауааҧсыреи. Аҩбатәи аихагылаҿ 35 акрыфаратә обиектқәа иҟоуп.
Апроект аҳәаақәа ирҭагӡаны, хара имгакәа, уааҵәҟьа аадыртуеит акулинариатә школ - „Аџьармыкьа агастро школ", абри аусхкы иазҿлымҳау ауаа зегьы уаҟа амастерклассқәа рылахәызаара рылшоит.
Орбелиани ишҭаҿы аиҳабыра рнапхгаҩы дицын Қарҭ ахада. Аџьармыкьа аартра иазкыз ауснагӡатә рхы аладырхәит аекономикеи иҭышәынтәалоу аҿиареи рзы аминистр Наҭиа Турнавеи, аҧсабара ахьчареи ақыҭанхамҩеи рзы аминистр Леван Давиҭашвилии, Сакребуло ахантәаҩы Гьаргь Тҟемалаӡеи, апарламент адепутатцәа Арчил Талакваӡеи Рати Ионатамишвилии.
Аиҳaбырa рaдминистрaциa aпрессмaҵзура