НАТО амаӡаныҟәгаҩ хада Иенс Столтенберг: - Ҳаҭыр зқәу Аҧыза-министр, ҳаҭыр зқәу Иракли, еиҭах Бриуссель шәҧылара сара сзы ҳаҭыр дууп, шәара НАТО ибзиаҵәҟьаны ижәдыруеит, иахьа абра шәахьыҟоу даараӡа сеигәырҕәоит.
Қырҭтәыла НАТО азы ахадаратә ҵакы змоу апартниорцәа иреиуп. Ҳара апартнорра ҕәҕәа ҳабжьоуп - аполитикатәи апрактикатәи усеицура. Ҳарбџьармчқәа, еивагыланы, Афганистан арратә маҵзура нарыгӡоит, аҭыҧантәи аруаа иазыҟарҵоит, абри атәыла, Афганистан, ҳара ҳабзоурала уаҳа хаангьы атерроризм хыҵхырҭас иҟалом ҳәа сгәыҕуеит. Абри ахырхарҭала кыршықәса рыҩнуҵҟа имҩаҧыжәгаз аусуразы Қырҭтәыла саҭабууп.
Иахьатәи аиҧылареи НАТО-Қырҭтәылатәи акомиссиа аилатәареи аҿы ҳусеицура шынаҳагӡаша ҳалацәажәеит, ҵыҧх ирҿыцыз НАТО-Қырҭтәылатәи апакетгьы налаҵаны. Уи, ареформақәа рымҩаҧгаразы Алианс аҟынтә Қырҭтәыла иаиуз ацхыраароуп. Ари апакет Қырҭтәыла иацхраауеит Алианс амчқәа рҟны қәҿиарала аусеицуреи НАТО алаларазы аҽазыҟаҵареи аҿы. Ҳара Қырҭтәылаҟны азеиҧш арратә азыҟаҵарақәа иаҳа рырҭбаареи аҭагылазаашьа ацклаҧшреи наҳагӡоит, Амшын еиқәа арегион аҿгьы. Иацы НАТО аҩбатәи амшынтә гәыҧ Қырҭтәыла атерриториатә аӡқәа ирҭалеит. Авизит хықәкыс иамоуп ҳамшынтә мчқәа русеицура арҕәҕәара, абри ахықәкы анагӡаразы Қырҭтәыла аҟәарахьчаратә мчқәеи НАТО аруааи азыҟаҵарақәа еицымҩаҧыргоит. Абри ала даҽазнык ишьақәҳарҕәҕәоит ҳара аус шеицаауа, абри апрограмма аанарҧшуеит апрактикатә усеицуреи алҵшәақәеи рышҟа ҳшиасыз. Амшын еиқәа ашәарҭадара азҵаара Қырҭтәылеи НАТОи рзы аҧыжәара амоуп. Урыстәыла арегион аҿы арратә ганахьала аҽырҕәҕәара нанагӡоит, ҳара уи ҳгәы ҧнажәоит. Урыстәыла Ҟрым рхы иадырхәоит Амшын еиқәа аҿы рымчқәа рырҕәҕәаразы. Убри аҟынтә, Амшын еиқәа аҿы аҧыҧшра арҕәҕәаразы аус аауеит. НАТО Қырҭтәыла ахьыҧшымреи жәларбжьаратәи азхаҵара змоу аҳәаақәа ирҭагӡаны аҵакырадгьылтә акзаареи ҳадгылоит. Ҳара еиҭах Урыстәылахь ааҧхьара ҟаҳҵоит Аҧсни Аахыҵ Уаҧстәылеи рхьыҧшымра азхаҵара иазку аӡбара аҧыхны, абарҭ арегионқәа рҟынтә рырбџьармчқәа алыргарц.
Ҳаҭыр зқәу Аҧыза-министр, ҳара аусеицура ҕәҕәа ҳабжьоуп, убри аҟынтә, иуадаҩу адискуссиақәа ҳрыцәшәом. Аҵыхәтәантәи аамҭазы Қырҭтәыла имҩаҧысуа аполитикатә хҭысқәа ҳаргәамҵуеит, агәыҕра ду ҳамоуп аҵыхәтәантәи ашықәсқәа рзы Қырҭтәыла имҩаҧгаз аусура ду абзоурала атәылаҿы ишьақәгылаз адемократиатә стандартқәа рыхьчара шәылшап ҳәа. Ари апроцесс иаҵанакуеит аполитикатә кризис адиалог ала аҭыҧқәҵареи ажәлар реиҟәшара зхылҵуа ариториеи ауранагӡареи рхархәамреи. НАТО амедиациа иазку Евроеидгыла аҽазышәара иақәшаҳаҭуп. Ҳаҭыр зқәу Аҧыза-министр, шәара шәахь ааҧхьара ҟасҵоит аоппозициааи шәареи азеиҧш бызшәа ҧшааны, акризис шәызлалҵша амҩа аҧшааразы аусура нашәыгӡарц. Даҽазнык ҭабуп ҳәа шәасҳәоит шәвизити иахьатәи ауснагӡатә алахәызаареи азыҳәан. Қырҭтәыла ҳара ҳзы крызҵазкәа партниоруп.
Қырҭтәыла Аҧыза-министр Иракли Ҕарибашвили: - Иҭабуп, ҳаҭыр зқәу Иенс. НАТО аштабуадаҿы сыдкыларазы ҭабуп ҳәа шәасҳәар сҭахуп. Қырҭтәыла атәылауаа зегьы рыхьӡала, алшара сымоуп НАТО-Қырҭтәылатәи аусеицура адинамикатә усхәаҧштәи ҳинтеграциа апроцесси алацәажәаразы. НАТО алалара - Қырҭтәыла адәныҟатәи ашәарҭадаратәи политика ахадаратә ҧыжәароуп, абри азҵаара убри аҩыза аҵакы ду амоуп, Аконституциа аҿгьы иарбоуп. Ақырҭуа жәлар реиҳара ргәазыҳәара ашьаҭа ала, ҳтәыла НАТО алалара иазҿлымҳауп, ақырҭуа жәлар абри ахықәкы иадгылоит. Ажәларгьы, аполитикатә партиақәагьы ари азҵаара иадҳәаланы рҳәатәы еиқәшәоит. НАТО инанагӡо ароль дуи, европатәи евроатлантикатәи интеграциа аконтекст аҿы ҳусхәаҧштәи иазҧхьагәаҭаны, Қырҭтәыла Аҧыза-министр ҿыц иаҳасаб ала, раҧхьатәи софициалтә визит Бриуссель имҩаҧызгоит. Қырҭтәыла, НАТО алаларазы иаҭаху апрактикатә хархәагақәа зегьы амоуп. Ҳара Алианс зегьы реиҳа иазааигәоу, зегьы реиҳа зыгәра угаша апартниор ҳауп. Қырҭтәыла ишьақәнарҕәҕәеит НАТО анапхгарала имҩаҧысуа аколлективтә шәарҭадара аиқәыршәара аоперациақәа рылахәызаара шалшо, 860ҩык ақырҭуа аҳәсеи ахацәеи 10 шықәса рыҩнуҵҟа, Афганистан, аидгылаҩцәа рырратә маҵзуҩцәа ирывагыланы, арратә маҵзура нарыгӡон. Дара иаадырҧшыз ахмеигӡареи, азанааҭдырреи, абри аус азгәыкреи ала, Қырҭтәыла ахатә позициа шьақәнарҕәҕәеит. Ҳара Амшын еиқәа арегион аҿы Алианс ахаҭарнакра арҭбаара ҳазыразуп. Амшын еиқәа аҿы Алианс аҟазаара иҕәҕәоу аанкыларатә факторуп, уи абзоурала, арегион атәылақәа рҿы аҭышәынтәалара ҕәҕәахоит. Европа ашәарҭадара зыҟалом ишәарҭам иҭышәынтәалоу Амшын еиқәа ада. Аҵыхәтәантәи ашықәсқәа рзы уи лабҿаба иубарҭахеит. Аидгылаҩцәа рстратегиа "НАТО 2030" аус арура ҳақәшҳаҭуп, уи абзоурала, Алианс астратегиатә концепциа ҿыц ҳазааигәахар ҳалшоит.
2020 шықәса иалкаан Қырҭтәыла ала ирҿыцу апакет аиура ала. Абри ирҿыцу аиқәшаҳаҭра абзоурала, ҳаамҭазтәи ашәарҭадаратә проблемақәа иаҳа еиҕьны рықәҿыҭра ҳалшоит. Иахьа исымоу алшара схы иархәаны, аидгылаҩцәа зегьы ҭабуп ҳәа расҳәар сҭахуп активла ҳадгылареи абри зҵакы дуу аус алахәызаареи азыҳәан. Ҳаҧхьаҟа НАТО-Қырҭтәылатәи ирҿыцу апакет Евроеидгылеи аидгылаҩцәеи рҟынтә иаҳа адгылара аиуп ҳәа сгәыҕуеит.
НАТО ароль ду нанагӡеит Қырҭтәыла ахыхьчаралшара арҕәҕәареи ҳалаӡара аизырҳареи аҿы. Ҳара ареформақәеи аусхәаҧштәи рымҩаҧгара наҳагӡоит, атәыла аҩнуҵҟагьы анҭыҵгьы иҟоу апроблемақәа ирхьыҧшымкәа, аинтеграциа апроцесс аҿы ҧхьаҟацара ҳаҿуп. Алҵшәа зхылҵуа азнеишьа ҳаҧхьҟагьы НАТО иаарту ашәқәа аполитика ахадаратә аспектс иаанхоит. Убри аҟынтә, Қырҭтәыла аҽазышәареи, евроатлантикатә ашәарҭадареи иазҧхьагәаҭаны, Қырҭтәыла аҳаракра иаамҭоуп ҳәа ҳгәы иаанагоит. Бухаресттәи асаммит аӡбара инаӡаны инагӡахап ҳәа гәыкала агәра ҳгоит, уи евроатлантикатә ҭаацәарашҟа ҳалалара иазку ахықәкы анагӡаразы аконкреттә шьаҿақәа ахылҵуеит.
Аиҳaбырa рaдминистрaциa aпрессмaҵзурa