2020-12-24
Гәыкала сгәы иалоуп апарламенттә аилатәарақәа руадаҿы аоппозициа рҭыҧқәа ахьыҭацәу, - иҳәеит Аҧыза-министр иҭыҧ азы акандидат Гьаргь Гахариа апарламент апленартә аилатәараҿы аҵыхәтәажәа аниҳәоз.
Иара ишиҳәаз ала, аглобалтә ауадаҩрақәа рыла иҭәу аамҭазы, атәылеи, ауаа ргәабзиареи, атәыла аекономикеи, арегионалтә проблемақәеи рҿаҧхьа апартиатә интересқәа аҳәынҭқарратә интересқәа раҵкыс иаҳа иҳаракны рықәыргылара ииашам.
„Гәыкала исҳәар сҭахуп, алхрақәа раан Иреиҳаӡоу азакәанҧҵаратә орган адепутатцәа рҳасабала атәылауаа ишәыдырҵаз аҭакҧхықәра ацәцара ииашам ҳәа сгәы иаанагоит. Уи адагьы, абри аҩыза иуадаҩӡоу аамҭазы аҭакҧхықәра ацәцареи, насгьы, абри ашьаҿа атәылауаа раинтересқәа рзы иҟаҳҵоит ҳәа аҳәареи ламысдароуп. Аха, иахьатәи ҳполитикатә лабҿабара абас ауп ишыҟоу. Ҳара ҳазынтәгьы еилаҳкаароуп Қырҭтәыла иҿиам штәылоу, аиасратә демократиа ахьыҟоу тәылоуп. Рыцҳарас иҟалаз, ҳара ҳтәылаҿы аполитикатә культура иҟам. Агәабзиара, аусуратә ҭыҧқәа, асоциалтә аиқәыршәара, ахҵәацәа уҳәа, ҳтәылауаа есымша ареалтә глобалтә проблемақәа ирҭагылоуп. Иахьатәи алабҿабара абас ауп ишыҟоу. Ҳара ҳҳәатәы еиқәымшәозаргьы, уезгьы, аҭакҧхықәра ҳацәцар ҟалом. Егьа ҳгәаанагарақәа еиҧшымзаргьы, иахьа ҳтәылаҿы апроблемақәа рацәоуп, ҳуааҧсыра ҳара иҳаиҕьны абарҭ апроблемақәа еилыркаауеит, дара адҵа ҳарҭеит абри апарламент аҿы 9 партиак иҟазароуп ҳәа, аконкреттә уааҧсыра, аконкреттә оппозициа абра иҟазароуп ҳәа. Алхыҩцәа иҳадырҵеит атәыла акризис иалҵырц, алагамҭатә позициақәа ирзыхынҳәырц, анеҩс, ирласны аҿиара нанагӡарц азыҳәан шәеидгыланы аус еицыжәуы ҳәа. Аусурҭадареи аҕарреи аҧыхреи, атәыла ампыҵахалара апроблема аҭыҧқәҵареи, европатәи аҭаацәара алалара иазку ҳгәахәтәы анагӡареи азыҳәан атәыла аҿиара амазароуп. Аҟәышра шаиааиуа агәра згоит, агәра ганы сыҟоуп апроблемақәа рыӡбаразы аусеицура шҳалшо, ҳҳәынҭқарреи ҳтәылауааи ринтересқәа рыхьчаразы. Ҳара ҳазынтәгьы ибзианы еилаҳкаауеит есымша имҩаҧааго аусура ҳтәылауаа рыхьчареи, аусуратә ҭыҧқәа рзеиқәыршәареи, ргәабзиара ахьчареи, рсоциалтә аиқәыршәаразы иаҭаху ашьаҿақәа рыҟаҵареи, ахҵәацәа ринтересқәа рыхьчареи ишазку, ҳара уи ҳалшап ҳәа сгәыҕуеит, аха, агәыҕра адагьы, ҳара аҭакҧхықәра ду ҳадуп, убри аҟынтә, иарбан сценаризаалак, уи азы ҳахиазароуп. Ҳара ҳазынтәгьы, апарламент алахәыла цыҧхьаӡа, аиҳабыра алахәыла цыҧхьаӡа ҩынтә еиҳаны аҭакҧхықәра агара ҳақәшәоит, уи ҳазыхиазароуп. Хшыҩзышьҭрала аиҳабыратә программа азыӡырҩразы ҭабуп ҳәа шәасҳәар сҭахуп, заанаҵы ишәыдысныҳәалар сҭахуп иааиуа Ашықәс Ҿыц. Аҵыхәтәаны, даҽазнык иазгәасҭар сҭахуп ҳара, ҳаидгыланы, ҳҳәынҭқарреи ҳтәылауааи ринтересқәа рыхьчаразы аусеицура ҳалшап ҳәа сгәыҕуеит", - иҳәеит Гьаргь Гахариа.
Аиҳaбырa рaдминистрaциa aпрессмaҵзурa