2023-09-28
Қырҭтәыла аиҳабыра радминистрациа, Евроеидгыла аекономикатә усеицуреи аҿиареи аиҿкаара (OECD) анапхгараҭареи аменеџьменти ацхрааратә программа (SIGMA) аҽалархәрала, Аҳәынҭқарратә напхгара ареформа иазку ҩымштәи аиҧылара аҳәаақәа ирҭагӡаны, Мрагыларатә партниорра (EaP) иалахәы атәылақәа аднакылоит.
Аиҧылара аадыртит аиҳабыра радминистрациа аиҳабы Реваз Џьавелиӡеи, Қырҭтәыла иҟоу Евроеидгыла ацҳаражәҳәаҩ Павел Ҳерчинскии, SIGMA анапхгаҩы Грегор Виранти.
Ауснагӡатә активла иалахәып Қырҭтәылеи, Украинеи, Молдовеи, Шәамахьтәылеи, Азербаиџьани реиҳабырақәа рхаҭарнакцәа. Онлаин аформатаҿ аиҧылара рхы аладырхәоит Финлиандиеи Франциеи реиҳабырақәа рхаҭарнакцәагьы.
Ҩымштәи аусуратә аиҧылара аҳәаақәа ирҭагӡаны, ауснагӡатә алахәылацәа, аҳәынҭқарратә напхгараҭара апринципқәеи, EaP атәылақәа рҿаҧхьа иқәгылоу апроблемақәеи ирылацәажәоит, урҭ рыбжьара, европатәи аинтеграциа иадҳәалоу азҵаарақәагьы. Иара убас, аиҧылара алахәылацәа, аусеицура арҭбааразы аформатқәеи алшарақәеи ирзааҭгылоит.
Аҳәынҭқарратә напхгараҭара ареформа иалагеит 2015 шықәсазы. Ареформа мҩаҧысуеит OECD/SIGMA ала иҳәаақәҵоу Евроеидгыла аҳәынҭқарратә напхгараҭара апринципқәа рышьаҭала, ареформала иазҧхьагәаҭоуп ахадаратә ҵакы змоу 5 хырхарҭак, урҭ роуп: аполитикатә апланшьҭыхреи акоординациеи; аҳәынҭқарратә маҵзуреи ауаҩытәыҩсатә ресурсқәа анапхгара рыҭареи; аҳасабырбара аҧхықәреи; аҳәынҭқарратә сервисқәа рыла аиқәыршәареи аҳәынҭқарратә финансқәа анапхгара рыҭареи. Аҳәынҭқарратә напхгараҭара ареформа атәылаҿ иаарту, аҳасабырбара зыҧхықәу, алҵшәа зхылҵуа аҳәынҭқарратә напхгараҭаратә система ашьақәыргылара иазкуп.
Аиҳaбырa рaдминистрaциa aпрессмaҵзура