2025-03-11
Аҧыза-министр Иракли Кобахиӡеи апарламент ахантәаҩы Шьалуа Папуашвилии еицыҟарҵаз ажәалагала шьаҭас иҟаҵаны, Қырҭтәыла ахада Михаил Ҟавелашвили анапылампыл азы амилаҭтә аизга алахәылацәеи, азыҟаҵаҩцәеи, аперсонали, Анапылампыл азы амилаҭтә федерациа анапхгареи Аҳаҭыртә орденқәеи Аҳаҭыртә медальқәеи ранеишьеит.
Аиҳабыра рнапхгаҩы анапылампыл азы амилаҭтә аизга алахәылацәеи, азыҟаҵаҩцәеи, Анапылампыл азы амилаҭтә федерациа ахаҭарнакцәеи аҳәынҭқарратә анашьамҭа аиура рыдныҳәаланы, ақәҿиарақәа рзеиҕьеишьеит.
„Шәықәҿиара дуқәа рзы идуӡӡаны иҭабуп ада уаҳа акгьы узыҳәом. Европа ачемпионат аҽалархәра алшара 30 шықәса ҳазыҧшын, шәара шәабиҧароуп абри ақәҿиара дуӡӡа зауз, уи ақырҭуа анапылампыл иаҳа ирацәаны ақәҿиарақәа азаазго аетап ҿыц алагамҭоуп. Ақырҭуа анапылампыл атрадициа дуқәа амоуп, ҳәарада, абарҭ атрадициақәа рышьаҭала, ҳаҧхьаҟа ақырҭуа напылампыл иаҳа ақәҿиарақәа амазароуп", - иҳәеит Иракли Кобахиӡе.
Аҧыза-министр, анапылампыл асҩцәеи, афедерациа ахада Вахтанг Меиҧариани, азыҟаҵаҩ хада Ките Каландаӡеи, афедерациа ахаҭарнакцәеи ҭабуп ҳәа раҳәаны, аспорт иадҳәаланы аиҳабыра ирымоу апланқәа дрылацәажәеит.
„Ҳара ҳзы ахадаратә ҵакы змоу аҧыжәарақәеи аҳасабтәқәеи иреиуп аспорттә инфраструктура арҿиара. Аспорт шаҟа ақәҿиара амоу аҟара аспорахь азҿлымҳарагьы иазҳауеит, ҷыдала ахәыҷқәа рыгәҭа, уи даараӡа сеигәырҕьоит, аха, рыцҳарас иҟалаз, ҳинфраструктура азҳара иаҿу аҭахрақәа макьана ирышьашәалам. Ҳара 2 миллиардк иаҧсоу апроект шынаҳагӡо ааҳацҳаит, уи аҳәаақәа ирҭагӡаны аинфраструктура ҿыц аҧаҳҵоит, уи апрофессионалтә спорти амассатә спорти ирызкызаауеит. Ари апроект аҳәаақәа ирҭагӡаны, анапылампыл аҿиара хшыҩзышьҭра ҷыда амазаауеит", - иҳәеит Иракли Кобахиӡе.
Анашьамҭаҭара ацеремониа мҩаҧган Аҭонели имҩаҿ иҟоу Апрезиденттә аханаҿ.
Аиҳaбырa рaдминистрaциa aпрессмaҵзура