2025-03-07
Қырҭтәыла аҧыза-министр Иракли Кобахиӡе Туркменистан ахада Сердар Бердымуҳамедов диҧылеит.
Ишиашо аформатаҿ имҩаҧгаз аиҧылараҿы Қырҭтәылеи Туркменистани реиҩызаратә еизыҟазаашьақәеи еиуеиҧшым аусхкқәа рҿы аусеицуреи иалацәажәеит. Ишазгәаҭаз ала, ҩ-ганктәи аполитикатәи аекономикатәи аизыҟазаашьақәа рҿиара адинамика бзиоуп.
Аганқәа рхаҭарнакцәа аимадара арҕәҕәареи Абжьаратә корридор аҿиареи аҵакы иазааҭгылеит. Аҧыза-министр Қырҭтәыла атранзиттә функциа иаҳа арҕәҕәара иазку, астратегиатә ҵакы змоу алогистикатә проектқәа дрылацәажәеит. Иара убас, аиҧылараҿы, атранспорти аенергетикеи аусхкқәа рҿы аусеицура арҭбааразы иҟоу аперспективақәа ирзааҭгылеит.
Иракли Кобахиӡе ишазгәеиҭаз ала, Қырҭтәыла, Ацентртә Азиаҿ аҭынчра аиқәыршәара иазку туркменистантәи аҽазышәрақәа ишрыдгыло иазгәаҭаны, Қырҭтәыла аиҳабыра имҩаҧырго аҭынчратә политика далацәажәеит.
Аҧыза-министр Туркменистан ахада Қырҭтәыла ахьыҧшымреи аҵакырадгьылтә акзаареи адгыларазы ҭабуп ҳәа иеиҳәеит.
Аиҧылараҿы ишазгәаҭаз ала, аофициалтә визит аҳәаақәа ирҭагӡаны аусхкытә усбарҭақәа ирыбжьарҵо аиқәшаҳаҭрақәа аусеицура арҭбаара иацхраауеит.
Иракли Кобахиӡе Сердар Бердымуҳамедов аофициалтә визитла Қырҭтәылаҟа дааиҧхьеит.
Туркменистан ахада Қырҭтәыла аҧыза-министр дидикылеит аминистрцәа ркабинетаҿ.
Аиҳaбырa рaдминистрaциa aпрессмaҵзура