2024-12-29
Қырҭтәыла аҧыза-министр Иракли Кобахиӡе аҳәаанырцә аус зуа Қырҭтәыла адипломатиатә хаҭарнакрақәа рнапхгаҩцәа есышықәсатәи рконференциа алахәылацәа дырҧылеит.
Ацҳаражәҳәаҩцәа рконференциа 2024 ҳаамҭазтәи агеополитикатә лабҿабараҿы Қырҭтәыла адәныҟатәи аполитикатә приоритетқәа ирызкын.
Аусуратә форматаҿ имҩаҧгаз аиҧылара рхы аладырхәит Қырҭтәыла ахада Михаил Ҟавелашвилии, апарламент ахантәаҩы Шьалуа Папуашвилии, адәныҟатәи аусқәа рминистр Мака Боҷоришвилии, апарламенттә аиҳара алидер Мамука Мдинараӡеи, аиҳабыра радминистрациа аиҳабы Леван Жоржолиании. Аиҧылараҿы аҧыза-министр, ақырҭуа дипломатцәа жәларбжьаратәи аренаҿ атәыла аинтересқәа рыхьчаразы ҭабуп ҳәа реиҳәеит.
Иракли Кобахиӡе ишиҳәаз ала, ацҳаражәҳәаҩцәа рконференциа - атәыла арҕәҕәареи адәныҟатәи аполитикатә позициақәа рырҕәҕәареи иадҳәалоу аинформациеи агәаанагарақәеи реиҭныҧсахла ахьыҟало зҵакы дуу форматуп.
Аусуратә форматаҿ имҩаҧгаз аиҧылараҿы хшыҩзышьҭра рызун аиҳабыратә программа ахадаратә хырҭарҭақәеи, аиҳабыра рполитикатә приоритетқәеи, иқәгылоу аҳасабтәқәа рынагӡаразы азеиҧш ҽазышәара ахымҧадареи.
Иара убас, аиҧылара алахәылацәа, атәыла аҿаҧхьа иқәгылоу ауадаҩрақәеи урҭ рыӡбашьеи иазааҭгылеит. Ишазгәаҭаз ала, ҿыц иалху ахада иинаугурациа ашьҭахь, атәылаҿ апарламенттә напхгараҭара асистема инагӡаны амч аиуеит, Қырҭтәыла Аконституциа европатәи астандартқәа ирышьашәалоуп, уи атәыла адемократиатә аҿиара еиқәнаршәоит.
Аиҧылара мҩаҧган азҵаара-аҭак арежимаҿ. Қырҭтәыла анапхгаратә хаҿқәа ақырҭуа дипломатцәа рызҵаарақәа зегьы аҭак рырҭеит.
Аиҳaбырa рaдминистрaциa aпрессмaҵзура