საქართველოს მთავრობა government.gov.ge |
პრემიერ-მინისტრი ლიეტუვის ელჩს საქართველოში ანდრიუს კალინდრას შეხვდა
2021-01-12
შეხვედრისას, ყურადღება გამახვილდა ორ ქვეყანას შორის არსებულ განსაკუთრებულ, მეგობრულ ურთიერთობებზე. ხაზი გაესვა ლიეტუვის მნიშვნელოვან მხარდაჭერას საქართველოს ევროპული და ევროტლანტიკური ინტეგრაციის პროცესში. საუბარი შეეხო საქართველოსა და ლიეტუვაში პანდემიის კუთხით არსებულ მდგომარეობას. აღინიშნა ერთობლივი ძალისხმევის მნიშვნელობა პანდემიასთან ბრძოლის პროცესში ეფექტური შედეგების მისაღწევად. პრემიერ-მინისტრმა და ელჩმა ასევე ისაუბრეს აღმოსავლეთ პარტნიორობის მომდევნო სამიტის შესახებ, რომელიც მიმდინარე წლის ზაფხულში იგეგმება. ანდრიუს კალინდრამ აღნიშნა, რომ ლიეტუვა მომავალშიც განაგრძობს საქართველოს მხარდაჭერას როგორც ორმხრივ, ისე მრავალმხრივ ფორმატებში. შეხვედრაზე ასევე პოზიტიურად შეფასდა ის ფაქტი, რომ ლიეტუვური ენის სახელმწიფო კომისიის გადაწყვეტილებით, ლიეტუვურ ენაში საქართველოს ერთადერთი ოფიციალური სახელწოდება „საქართველას" გახდა. მთავრობის ადმინისტრაციაში გამართულ შეხვედრას ლიეტუვის რესპუბლიკის საელჩოს მესამე მდივანი იუსტინა სლენიტე და პრემიერ-მინისტრის აპარატის უფროსი სალომე გაგუა დაესწრნენ. მთავრობის ადმინისტრაციის პრესსამსახური |