2019-05-01

Крҵанистәи абнапарк аиҭашьақәыргылареи аҿиареи ҳалагоит, - иҳәеит Қырҭтәыла Аҧыза-министр Мамука Бахтаӡе абиохкырацәара аиҭашьақәыргылара апрограмма аӡыргараҿы данықәгылоз.
Аиҳабыра рнапхгаҩы ишиҳәаз ала, иҳаҩсыз ашәышықәса 60-тәи ашықәсқәа рзы Крҵанистәи абна-парк анаадыртуаз, уи абиохкырацәара ахьчареи аҧсабарахьчара иазкны ауаажәлар рдырра аиҕьтәреи иазкын.
Аха, Аҧыза-министр ишиҳәаз ала, аҵыхәтәантәи ашықәсқәа рзы ари апарк хылаҧшрада иҟан, уаҟа аиаҵәара маҷхеит.
„Акыршықәса рыҩнуҵҟа имҩаҧгаз аҭакҧхықәрадатә политикеи аҧсабарахьчаратә принципқәа ратәамбареи амшала ареалра цәгьа ҳҭагылоуп. Ҳара аҭакҧхықәрадатә политика алҵшәақәа иахьагьы раҧыхра ҳаҿуп. Мызқәак раҧхьа ҳара ҳприоритетқәа цәыраагеит, урҭ рҿы аҭыҧ ҷыда ааннакылоит аекономика иаҵәа. Ҳара есымша, аинициативақәа зегьы рҿы, аҧсабара ахьчара аҵакы аҧыжәара аҳҭоит. Қырҭтәыла атәылауаҩ цыҧхьаӡа аҧсабара ариаҵәара азхәыцра иуалуп. Ҳара ари ахықәкы ҳалацәажәахьеит, уи хшыҩзышьҭра ҷыда азаауеит. Иахьа зҵакы дуу апроект анагӡара ҳалагоит. Уи ҳара ҳамацара ҳакәымкәа, игыло абиҧарагьы иалаҽхәаратәы иҟалоит. Крҵанистәи абна-парк аиҭашьақәыргылареи аҿиареи ҳалагоит. Ҳара зыҧсы ҭоу амузеиҵәҟьа еиҿаҳкаауеит, уаҟа уажәтәи аиуникалтә флореи афаунеи аарҧшызаауеит, аха уи адагьы, асиа ҟаҧшь аҟынтә аҵиаақәагьы еиҭаҳҳауеит. Ари апроект аҵакы ду амоуп абри здаҟам арегион аҿы абиохкырацәара ахьчаразы", - иҳәеит Мамука Бахтаӡе.
Уи адагьы, Крҵанистәи абна-парк азкызаарагьы еиҭашьақәҳаргылоит. Уи Қарҭи Русҭавии еимыздо арекреациатә қәыҧшыларахоит. Ари апарк ауаа рзы иаартызаауеит. Аха атранспорттә хархәагақәа рзы аҧкрақәа шьақәыргылазаауеит. Лымкаала, абна-парк аҿы аиҭаҵра ҟалоит шьапыла, амаланыҟәала, мамзаргьы афымцамобиль ала.
„Ауаҩытәыҩсатә капитал арҿиара инаваргыланы, Қырҭтәыла алшара дуқәа иҟоуп аекономика иаҵәеи атуризми аҿиаразы. Уи ҳара ҳзы ахадаратә ҵакы амазаауеит, ари аус наҳагӡоит ареалтә проектқәа рыла. Ауадаҩрақәа шырацәазгьы, акыршықәса рыҩнуҵҟа абри абна-парк ихьчаны иаҳзаанзыжьыз ауаа зегьы ҭабуп ҳәа расҳәар сҭахуп. Уажәшьҭа, ҳара ари апарк аиҭашьақәыргылареи абри иҧшӡаӡоу аҭыҧ абиохкырацәара аҿиареи иҳуалуп", - иҳәеит Мамука Бахтаӡе.
Абиохкырацәара аиҭашьақәыргылара апрограмма аӡыргара мҩаҧигеит Аҧсабарахьчареи ақыҭанхамҩеи рминистр Леван Давиҭашвили. Аминистр ишиҳәаз ала, ҳаҧхьаҟа Крҵанистәи абна-парк аҿы еиҿыркаараны иҟоуп Аҧсабарахьчареи ақыҭанхамҩеи рминистрра иаҵанакуа 2 агентрак - „Аҧсабарахьчара аҵареи аинформациеи рцентри" „Абнатә аҧсабара амилаҭтә агентреи".

Аҧызa-министр ипрессмaҵзурa