საქართველოს მთავრობა government.gov.ge |
პრემიერ-მინისტრს ტოკიოში იაპონიის საგარეო საქმეთა მინისტრმა უმასპინძლა
2019-03-13 საქართველოს პრემიერ-მინისტრის სამუშაო ვიზიტი იაპონიაში საგარეო საქმეთა მინისტრთან შეხვედრით დაიწყო. მამუკა ბახტაძეს ტარო კონომ ოფიციალურ ვახშამზე უმასპინძლა. აღინიშნა, რომ ამ პროცესში მნიშვნელოვან როლს შეასრულებს ორმხრივი საინვესტიციო შეთანხმება. იაპონიის საგარეო საქმეთა მინისტრმა საქართველოს პრემიერ-მინისტრს თბილისში მასპინძლობისთვის მადლობა გადაუხადა. საქართველოსა და იაპონიას შორის არსებულ თანამშრომლობაზე გაამახვილა ყურადღება პრემიერ-მინისტრმა და იმედი გამოთქვა, რომ მისი ვიზიტი წარმატებულ ორმხრივ ურთიერთობას ახალ სიმაღლეზე აიყვანს. "ჩვენთვის - იაპონიისა და საქართველოსთვის - ყველაზე მნიშვნელოვანი ხალხთა შორის ურთიერთობაა. ჩვენს ერებს შორის არსებული კარგი დამოკიდებულება შესანიშნავ წინაპირობად მიმაჩნია როგორც პოლიტიკური, ასევე ეკონომიკური თანამშრომლობის გასაძლიერებლად. ასევე, ვისურვებდით მეტი იაპონელი მეგობარი გვეხილა საქართველოში და მეტი ბიზნესკავშირები დამყარებულიყო ჩვენს ორ ერს შორის", - განაცხადა მამუკა ბახტაძემ. შეხვედრის დასასრულს პრემიერ-მინისტრმა საპატიო სტუმართა წიგნში სამახსოვრო ჩანაწერი გააკეთა. იაპონიაში სამუშაო ვიზიტის ფარგლებში მთავრობის მეთაური, მაღალი დონის შეხვედრებთან ერთად, საქართველო-იაპონიის ბიზნესფორუმსა და გამოფენას - "საქართველო - ღვინის სამშობლო" გახსნის.
პრემიერ-მინისტრის პრესსამსახური
|