საქართველოს მთავრობა government.gov.ge |
პრემიერმა ევროკომისიის პრეზიდენტს ოფიციალურ ვახშამზე უმასპინძლა
2018-05-25 საქართველოს პრემიერ-მინისტრ გიორგი კვირიკაშვილის მოწვევით, პირველი დემოკრატიული რესპუბლიკის 100 წლის იუბილესთან დაკავშირებით, თბილისში ევროკომისიის პრეზიდენტი ჟან-კლოდ იუნკერი იმყოფება. საქართველოს მთავრობის მეთაურმა სტუმარს, თანმხლებ დელეგაციასთან ერთად, ოფიციალურ ვახშამზე უმასპინძლა. პრემიერ-მინისტრმა კვირიკაშვილმა ევროკომისიის პრეზიდენტს ვიზიტისთვის მადლობა გადაუხადა და აღნიშნა, რომ საქართველოს მთავრობა ქვეყნის დასავლური კურსის ერთგული რჩება. პრემიერ-მინისტრის პრესსამსახური
|