პრემიერ–მინისტრი ევროპის პარლამენტის წარმომადგენლებს შეხვდა
საქართველოს პრემიერ–მინისტრი ბიძინა ივანიშვილი ევროპის საგარეო ურთიერთობებათა კომიტეტის თავმჯდომარეს, ელმარ ბროკს და ევროპის პარლამენტში საქართველოს საკითხებზე მომხსენებელს, კრჟიშტოფ ლისეკს მთავრობის კანცელარიაში შეხვდა. მხარეებმა საქართველოში მიმდინარე პროცესები განიხილეს და ქვეყნის განვითარების სამომავლო პერსპექტივებზე იმსჯელეს. საუბარი ასევე შეეხო ქართულ-რუსული ურთიერთობების დარეგულირების თემას.
„ძალიან საინტერესო შეხვედრა გვქონდა. ჩვენ ვიმსჯელეთ ბევრ საკითხზე, ძირითადად მაინც კოჰაბიტაციის თემას შევეხეთ და ყველაზე მეტი პოლემიკაც სწორედ ამ საკითხზე გვქონდა. მე დავარწმუნე ჩვენი მეგობრები, რომ არ იქნება საქართველოში შერჩევითი სამართალი და არ განხორციელდება პოლიტიკური დევნა",-განაცხადა საქართველოს პრემიერ-მინისტრმა შეხვედრის დასრულების შემდეგ.
