2011 წლის 20 დეკემბერს სასტუმრო „თბილისი მარიოტში" საქართველო-აზერბაიჯანის მთავრობათაშორისი ეკონომიკური კომისიის სხდომა გაიმართა.

სხდომაში მონაწილეობა მიიღო საქართველოში აზერბაიჯანის რესპუბლიკის ოფიციალური დელეგაციამ, რომელსაც აზერბაიჯანის პრემიერ-მიონისტრი არტურ რასი ზადე ხელმძღვანელობდა.

ხსდომის დაწყებამდე გაიმართა საქართველოს პრემიერ-მინისტრის ნიკა გილაურის და აზერბაიჯანის პრემიერ-მინისტრის არტურ რასი ზადეს პირისპირ შეხვედრა.

საქართველო-აზერბაიჯანის მთავრობათაშორისი ეკონომიკური კომისიის პლენარული სხდომის შემდეგ გაიმართა კომისიის ოქმის ხელმოწერის ცერემონიალი.

„აზერბაიჯანის პრემიერ-მინიტრს და დელეგაციას მინდა მივესალმო.

საქართველოს და აზერბაიჯანს ექსკლუზიური და განსაკუთრებით კარგი ურთიერთობები აქვს. ერთმანეთისთვის სტრატეგიული პარტნიორები ვართ. ჩვენ შორის განსაკუთრებული ტემპებით იზრდება ვაჭრობა, ინვესტიციები და ტურიზმი. ერთობლივად ვქმნით რეგიონალურ ცენტრს, რეგიონალურ დერეფანს, რომელიც აკავშირებს ევროპას და აზიას.

დოკუმენტი, რომელსაც დღეს ხელი მოეწერა, შეიცავს ძალიან ბევრ მომენტს, რომელიც კიდევ უფრო გააძლიერებს ჩვენ ხალხს შორის ურთიერთობებს.

ერთად განვახორციელეთ ისტორიული და რეგიონალური პროექტები: ბაქო-თბილისი-ჯეიჰანი, ბაქო-თბილისი-ერზრუმი, ერთად ვახორციელებთ ძალიან მნიშვნელოვან პროექტს რკინიგზაში - ყარსი-ახალქალქს. გარდა ამისა, შეგვიძლია ვიფიქროთ ახალ პროექტზე - გზის ტრანსპორტირება შავ ზღვაზე, აზერბაიჯანისა და საქართველოს გავლით - ე.წ. აგრი. ყველა ამ პროექტს რეგიონალური და ისტორიული მნიშვნელობა აქვს.

კიდევ ერთხელ მინდა დიდი მადლობა გადავუხადო ჩემს კოლეგას საქართველოში ჩამოსვლისთვის და წარმატებები ვუსურვო," - განაცხადა ნიკა გილაურმა მთავრობათაშორისი ეკონომიკური კომისიის სხდომის შემდეგ გამართულ პრესსკონფერენციაზე.

პრემიერ-მინისტრის პრესსამსახური