საქართველოს მთავრობის განკარგულება №791
17 დეკემბერი, 2007
თვითმმართველ ქალაქ ქუთაისის მერიისათვის საქართველოს მთავრობის სარეზერვო ფონდიდან თანხის გამოყოფის შესახებ
1. საქართველოს ფინანსთა სამინისტრომ (ნ. გილაური) ,,საქართველოს 2007 წლის სახელმწიფო ბიუჯეტის შესახებ" საქართველოს კანონით გათვალისწინებული საქართველოს მთავრობის სარეზერვო ფონდიდან თვითმმართველ ქალაქ ქუთაისის მერიას გამოუყოს 755 460 (შვიდას ორმოცდათხუთმეტი ათას ოთხას სამოცი) ლარი ქ. ქუთაისში მცხოვრები სხვადასხვა კატეგორიის პენსიონერების მედიკამენტებით უზრუნველყოფისათვის.
2. განკარგულების შესრულების კონტროლი განახორციელოს საქართველოს ფინანსთა სამინისტრომ (ნ. გილაური). ასევე, კონტროლის განხორციელება ეთხოვოს სახელმ-წიფო რწმუნებულს - გუბერნატორს ადმინისტრაციულ-ტერიტორიულ ერთეულებში (ბაღდათის, ვანის, სამტრედიის, ხონის, წყალტუბოს, ტყიბულის, თერჯოლის, ზესტაფონის, ხარაგაულის, ჭიათურის, საჩხერის, მუნიციპალიტეტები და თვითმმართველი ქალაქი ქუთაისი) ა. ბობოხიძეს.
3. განკარგულება ძალაშია ხელმოწერის დღიდან.
პრემიერ-მინისტრი ვლადიმერ გურგენიძე