საქართველოს მთავრობის განკარგულება №827
26 დეკემბერი, 2007
საქართველოს სახელმწიფო ბიუჯეტიდან ასიგნების გამოყოფის თაობაზე
1. ადგილობრივი წყლის კომპანიების მიერ 2007 წლის დეკემბერში მოხმარებული ელექტროენერგიის ღირებულების დაფარვის მიზნით საქართველოს ფინანსთა სამინისტრომ ,,საქართველოს 2007 წლის სახელმწიფო ბიუჯეტის შესახებ" საქართველოს კანონის 42-ე მუხლის მე-8 პუნქტით ადგილობრივი წყლის კომპანიების მხარდაჭერის ღონისძიებებისათვის გათვალისწინებული ასიგნებიდან მუნიციპალიტეტებსა და თვითმმართველ ქალაქებს გამოუყოს 488 950 (ოთხას ოთხმოცდარვა ათას ცხრაას ორმოცდაათი) ლარი დანართის მიხედვით.
2. განკარგულება ძალაშია ხელმოწერის დღიდან.
პრემიერ-მინისტრი ვლადიმერ გურგენიძე
საქართველოს მთავრობის
2007 წლის 26 დეკემბრის
N827 განკარგულების
დანართი
მუნიციპალიტეტები და თვითმმართველი ქალაქები თანხა (ლარობით)
ქობულეთის მუნიციპალიტეტი 5,000
თვითმმართველი ქალაქი ქუთაისი 250,000
წყალტუბოს მუნიციპალიტეტი 32,000
ჩხოროწყუს მუნიციპალიტეტი 950
თვითმმართველი ქალაქი რუსთავი 200,000
ცაგერის მუნიციპალიტეტი 1,000
სულ: 488,950