2005 წლის 24-26 ნოემბერს საქართველოს პრემიერ-მინისტრი ზურაბ ნოღაიდელი ოფიციალური ვიზიტით მოსკოვში იმყოფებოდა.
ვიზიტის პირველ დღეს პრემიერ-მინისტრი ქართულ დელეგაციასთან ერთად შეხვდა კომპანია "Газпром”-ის მმართველთა საბჭოს თავმჯდომარეს ალექსი მილერს. ამავე დღეს შედგა საქართველოს პრემიერ-მინისტრის ზურაბ ნოღაიდელის შეხვედრა კომპანია "РАО ЕЭС”-ის თავმჯდომარის პირველ მოადგილესთან ანდრეი რაპაპორტთან. მოგვიანებით საქართველოს პრემიერ-მინისტრმა ინტერვიუ მისცა სააგენტო "Эхо Москвы”-ს და გაზეთ "Financial Times”-ს.
25 ნოემბერს ზურაბ ნოღაიდელი რუსეთის ფედერაციის საგარეო საქმეთა სამინისტროში შეხვედრა რუსეთის საგარეო საქმეთა მინისტრს სერგეი ლავროვს.
"პრეზიდენტ ოტელი”-ს დიდ დარბაზში ჩატარდა დსთ-ს წევრი ქვეყნების მთავრობათა მეთაურების საბჭოს სხდომა. აქვე გაიმართა დოკუმენტებზე ხელმოწერის ცერემონია, რის შემდეგაც მოეწყო პრესკონფერენცია.
26 ნოემბერს ყაზახეთის რესპუბლიკის საელჩოში შედგა ზურაბ ნოღაიდელისა და ყაზახეთის რესპუბლიკის პრემიერ-მინისტრის დანიელ ახმეტოვის სამუშაოსაუზმე.
საქართველოს მთავრობის კანცელარიის პრესცენტრი