2015-11-24
საქართველო-შვეიცარიის მეგობრული ურთიერთობები და ორი ქვეყნის თანამშრომლობის განვითარება იყო საქართველოს პრემიერ-მინისტრ ირაკლი ღარიბაშვილისა და შვეიცარიის სრულუფლებიანი ელჩის, ლუკას ბეგლინგერის საუბრის მთავარი თემა.
შვეიცარიელ დიპლომატს საქართველოს მთავრობის მეთაურმა გაცნობითი ხასიათის შეხვედრაზე, მთავრობის ადმინისტრაციაში უმასპინძლა.
პრემიერ-მინისტრთან შეხვედრისას დიპლომატმა აღნიშნა, რომ საქართველოში ყოფნით მოხარულია. მხარეებმა იმედი გამოთქვეს, რომ ორ ქვეყანას შორის არსებული მჭიდრო თანამშრომლობა კიდევ უფრო გაღრმავდება.
ლუკას ბეგლინგერი შვეიცარიის სრულუფლებიანი ელჩის თანამდებობაზე მუშაობას ორი თვის წინ შეუდგა. პრემიერ-მინისტრმა შვეიცარიის ახალ ელჩს წარმატებული საქმიანობა უსურვა.
პრემიერ-მინისტრის პრესსამსახური