2021-01-17
ახალქალაქის მუნიციპალიტეტის სოფელ პტენაში ახალი საჯარო სკოლა აშენდა.
თანამედროვე სტანდარტების შესაბამისი შენობა სრულად ადაპტირებულია სპეციალური საგანმანათლებლო საჭიროების მქონე მოსწავლეებისთვის.
ახალაშენებულ სკოლაში მოეწყო თანამედროვე ინვენტარითა და უახლესი ტექნიკით აღჭურვილი კომპიუტერული კლას-კაბინეტი, საბუნებისმეტყველო ლაბორატორია, ბიბლიოთეკა, სახელოვნებო სივრცეები და სასადილო.
ასევე, სკოლის ტერიტორიაზე მოეწყო სარეკრეაციო სივრცე.
2020 წელს, პანდემიის მიუხედავად, საგანმანათლებლო ინფრასტრუქტურული პროექტები შეუფერხებლად მიმდინარეობდა:
- აშენდა 30 სკოლა;
- 60 სკოლის მშენებლობა 2021 წელს დასრულდება;
- განხორციელდა 800-მდე საჯარო სკოლის სველი წერტილის რეაბილიტაცია;
- განხორციელდა 9 საჯარო სკოლის სრული და 150-ზე მეტი საჯარო სკოლის ნაწილობრივი რეაბილიტაცია;
- დაიწყო 100-ზე მეტი საჯარო სკოლის რეაბილიტაციის პროცესი.