2011 წლის 17 ნოემბერს საქართველოს პრემიერ-მინისტრი ნიკა გილაური Economist conferences-ს მიერ სასტუმრო "რედისონ ბლუ ივერიაში" გამართულ თბილისის სამიტზე "საქართველოს განვითარებადი 
ეკონომიკა: ხედვა და ანალიზი" სიტყვით გამოვიდა.
პრემიერ-მინისტრმა დამსწრე საზოგადოებას საქართველოს საინვესტიციო გარემო გააცნო და ქვეყნის მაკროეკონომიკურ მაჩვენებლებზე და ბიზნესგარემოზე ისაუბრა.
სიტყვით გამოსვლის შემდეგ ნიკა გილაურმა მედიის წარმომადგენლებს განუცხადა, რომ "საქართველოში კონფერენცია ეკონომისტის ინიციატივით ჩატარდა.
"კონფერენცია რეფორმებს, ეკონომიკურ ზრდას ეძღვნება. იმ მდგომარეობაში, როდესაც მსოფლისო ეკონომიკური ვითარება მარტივი არ არის, ეს ფაქტი აღნიშნავს, რომ საქართველო რეფორმების და ჩვენი რეგიონის ლიდერად, კარგი მაკროეკონომიკური სურათის მქონე ქვეყნად ჩამოყალიბდა.
შესაბამისად, ჩვენს მეზობელ ქვეყნებს ძალიან ბევრი რამ შეუძიათ ისწავლონ ჩვენგან რეფორმების მხრივ. ამას ეძღვნება დღევანდელი შეხვედრა, კონფერენცია. დიდი მადლობა მინდა გადავუხადო მის ორგანიზატორებს," - აღნიშნა პრემიერ-მინისტრმა.
პრემიერ-მინისტრის პრესსამსახური