2011 წლის 15 ივნისს საქართველოს პრემიერ-მინისტრი ნიკა გილაური შვედეთის საგარეო საქმეთა მინისტრს კარლ ბილდტს შეხვდა.
შეხვედრაზე მხარეებმა ეკონომიკური ხასიათის საკითხებზე იმსჯელეს.
შვედეთის საგარეო საქმეთა მინისტრი საქართველოს ეკონომიკის მდგომარეობით დაინტერესდა. ნიკა გილაურმა და კარლ ბილდტმა საქართველოს ტურიზმის, სოფლის მეურნეობის, სატრანზიტო პოტენციალიც და ენერგეტიკის სფეროს განვითარების საკითხები განიხილეს.
მხარეები საქართველოს და ევროკავშირს შორის თავისუფალი ვაჭრობის ხელშეკრულების ირგვლივ მიმდინარე მოლაპარაკებებსაც შეეხნენ.
პრემიერ-მინისტრის პრესსამსახური