2011 წლის 9 ივნისს ავიაკომპანია ,,ჩინეთის სამხრეთ ავიახაზებმა" თბილისი-ურუმჩი პირველი პირდაპირი ფრენა განახორციელა. აღნიშნული რეისით საქართველოს ჩინეთის სახალხო რესპუბლიკის სინძიან-
იუგურეთის ავტონომიური რეგიონის სახალხო კონგრესის თავმჯდომარე ბატონი აილიგენ იუიმინგბაჰაი ეწვია.
,,ჩინეთის სამხრეთ ავიახაზების" რეისები ამიერიდან რეგულარულად კვირაში სამჯერ - სამშაბათს, ხუთშაბათსა და შაბათს, ბოინგ 737 და ბოინგ 757 ტიპის თვითმფრინავებით შესრულდება.
ავიაკომპანია ,,ჩინეთის სამხრეთ ავიახაზები" საქართველოდან მგზავრებს სთავაზობს ფრენას ქალაქ ურუმჩის გავლით ჩინეთისა და მსოფლიოს სხვა ქვეყნების 169 ქალაქის მიმართულებით.
პრემიერ-მინისტრის პრესსამსახური