2010 წლის 18 ნოემბერს პრემიერ-მინისტრი ნიკა გილაური მთავრობის კანცელარიაში საქართველოში ერთდღიანი ვიზიტით მყოფ რაგბის საერთაშორისო საბჭოს (IRB) პრეზიდენტს ბერნარ ლაპასეს, ევროპის რაგბის საერთაშიროსო ფედერაციის პრეზიდენტს ჟან კლოდ ბაკეს და IRB-ის რაგბის განვითარების კომიტეტის ხელმძღვანელს მარკ იგანს შეხვდა.
აღნიშნულ შეხვედრამდე ნიკა გილაურმა, სპორტის და ახალგაზრდობის საქმეთა მინისტრმა ვლადიმერ ვარძელაშვილმა და რაგბის საერთაშორისო საბჭოს წარმომადგენლებმა რაგბის კავშირის სანაკრებო ბაზის -შევარდენის გახსნის ცერემონიაში მიიღეს მონაწილეობა.
როგორც საქართველოს პრემიერ-მინისტრმა აღნიშნა, "ძალიან მნიშვნელოვანია საერთაშორისო რაგბის კავშირის თავმჯდომარის ჩამოსვლა საქართველოში, მოედნის მშენებლობა დაფინანსებულია "ქართუ ჯგუფის" მიერ, რისთვისაც დიდი მადლობა მინდა გადავუხადო მათ. რაგბი ხდება უფრო და უფრო პოპულარული...ერთ-ერთი მნიშვნელოვანი საკითხი იქნება 20 წლამდე ახალგაზრდა მორაგბეთა ჩემპიონატის ჩატარება საქართველოში... ეს არის სპორტის ის სახეობა, რომელსაც ძალიან დიდი პოტენციალი გააჩნია და რეალურ რეზულტატებს გვაჩვენებს."
პრემიერ-მინისტრის პრესსამსახური