2021-09-16
Атәылахьчара аминистрс саныҟарҵа, аргама аасыцҳаит СУ-25 аҳаирпланқәа рырҿыцра апроект сшалагоз - иахьа шәара лабҿаба ижәбоит ҳамчқәа рыла амодернизациа зызу, еиҭашьақәыргылоу СУ-25 4 ҳаирпланк, - иҳәеит Қырҭтәыла аҧыза-министр Иракли Ҕарибашвили акционертә уаажәларра „Ҭбилавиамшени" аҿы даныҟаз, уаҟа аҧырратә аппаратқәа реибыҭаратә наплакы ҿыци арбаратә аҧырреи ибеит. Аиҳабыра рнапхгаҩы дицын атәылахьчара аминистр.
Аиҳабыра рнапхгаҩы иҳәамҭала, абри апроцесс аменеџьменти анапхгараҭареи мҩаҧыргеит Атәылахьчаратә мчқәа авиациатә ҧызацәа.
„Ҳара 31-тәи азауад аҿы ҳаҟан, уи еицырдыруа аҭоурыхтә зауадуп, кыршықәса рыҩнуҵҟа уаҟа зқьы аҟара СУ-25 аҳаирпланқәа ҭрыжьит. Сара атәылахьчара аминистрс саныҟарҵа, апарламент аҿы санышьақәдырҕәҕәоз, аргама аасыцҳаит СУ-25 аҳаирпланқәа рырҿыцра апроект сшалагоз - иахьа шәара лабҿаба ижәбоит ҳамчқәа рыла амодернизациа зызу, еиҭашьақәыргылоу СУ-25 4 ҳаирпланк. Иара убас, ҳара ангар ҿыц ҟаҳҵеит, уаҟа аиҭашьақәыргыларатә усурақәа мҩаҧысуеит. 31-тәи азауад аусзуҩцәа зегьы ҭабуп ҳәа расҳәар сҭахуп. Министрс саныҟаз, ари азауад аменеџьмент ҳхы адаҳҵеит, абри апроцесс ҳара ҳахылаҧшуан, аиҭашьақәыргыларатә усурақәа зегьы „Дельта" аменеџьмент аҵаҟа иҟоуп. Абри апроцесс зегьы аменеџьментгьы анапхгараҭарагьы мҩаҧыргеит Атәылахьчаратә мчқәа авиациатә ҧызацәа. Аминистр Бурҷулаӡе раҧхьа днаргыланы, авиациатә ҧызареи, Атәылахьчаратә мчқәа рҧызеи, „Дельта менеџьменти", Ҭбилавиамшении уҳәа, ари апроцесс иалахәыз ауааҧсыра зегьы ҭабуп ҳәа расҳәар сҭахуп.
Ашықәс анҵәамҭанӡа еиҭашьақәыргылоу СУ-25 6 цырак ҳамазаауеит. Иара убас, шәара ижәбеит МИ-24 аиҭашьақәыргылара апроцесс активла ишымҩаҧысуа. Ҳара абри агежьҧрыга интенсивла аҟаҵара ҳалагеит. Убри адагьы, америкатә агежьҧрыгақәа ҧшьба Америкаҟа идәықәаҳҵахьеит, ҳавиациатә ҧызара ахаҭарнакцәа уааҵәҟьа иҟоуп, аиҭашьақәыргыларатә усурақәа ирыцклаҧшуеит, хара имгакәа, мызқәак рышьҭахь, еиҭашьақәыргылоу америкатә агежьҧрыгақәа ҧшьба ҳзаарышьҭуеит, инеизакны авиациатә парк ирҿыцны еиҭашьақәҳаргылоит.
Уи ҳфырхацәа, ҳаҧырҩцәа, ҳаруаа рзы агәызҭаҵага дууп, дара кыршықәса рыҩнуҵҟа аҧырратә аппаратқәа реиҭашьақәыргылара иазыҧшын. Ари апроект кыршықәса рыҩнуҵҟа имҩаҧысуамызт. Уи ахьҳалшаз даараӡа сеигәырҕьоит. Шәызынтәгьы даҽазнык ҭабуп ҳәа шәасҳәоит", - иҳәеит Иракли Ҕарибашвили.
Акционертә уаажәларра „Ҭбилавиамшени" аҵакырадгьыл аҿы иҟоу аҧырратә аппаратқәа реибыҭаратә наплакы ҿыц аҿы, ақырҭуа специалистцәа Атәылахьчаратә мчқәа иртәу аҧырратә аппаратқәа ҳаамҭазтәи астандартқәа ирышьашәаланы еиҭашьақәдыргылоит.
Анырҵәага СУ-25 ҳаамҭазтәи арадиоелектронтә авиациатә системала еибыҭоуп.
Авиациа аҿиара апроект иалагеит Қырҭтәыла аҧыза-министр Иракли Ҕарибашвили атәылахьчара аминистрс даныҟаз. Қырҭтәыла атәылахьчаратә мчқәа ирыдыҧхьаӡалоу СУ-25 аҳаирпланқәа авиациатә зауад ашҟа инагоуп, аҧырратә аппаратқәа аханатә шьаҭанкыла рырҽеиратәи реиҭашьақәыргыларатәи усурақәа мҩаҧнагоит акционертә уаажәларра „Ҭбилавиамшени".
Уажәазы СУ-25 4 ҳаирпланк рырҽеиреи рмодернизациеи хыркәшоуп. Аамҭакала, МИ-24 аҳаирплан арҽеира иаҿуп, хара имгакәа аҧышәаратә аҧырра мҩаҧыргараны иҟоуп. Активла имҩаҧысуеит UH-1 аҳаирпланқәа реиҭашьақәыргылара апроцессгьы. AN-2 4 ҳаирпланк шьаҭанкыла рырҽеира апроцесс хыркәшоуп. Аҧырратә аппаратқәа еилаҧсоу авиациатә ескадрилиа абазашҟа ииагоуп, арҭ аҳаирпланқәа активла рхы иадырхәоит еиуеиҧшым адҵақәа рынагӡаразы.
Авиациатә парк арҿыцра апроцесс еицынарыгӡоит „Ҭбилавиамшении" „Дельтеи". Аҧырратә аппаратқәа рырҽеиреи реиҭашьақәыргылареи рырҿыцреи инаваргыланы, апроект ала иазҧхьагәаҭоуп хазхаҭалатәи аилазаара разыҟаҵареи реиҭазыҟаҵареи, иашьашәалоу аинфраструктура аҧҵареи.
Зыӡбахәы ҳәоу апроект Қырҭтәыла Атәылахьчаратә мчқәа равиациатә хәҭақәа рырҕәҕәареи рырҿиареи иазкуп.
Аиҳабыра рнапхгаҩы Иракли Ҕарибашвили ицны анырҵәагақәа СУ-25 рҧышәаратә аҧырра рбеит атәылахьчара аминистр Џьуаншер Бурҷулаӡеи, Атәылахьчаратә мчқәа рҧыза, аинрал-маиор Гьаргь Маҭиашвилии.
Арбаратә аҧырра ашьҭахь, аиҳабыра рнапхгаҩы аҧырҩцәа дырҧылеит, нас, авиациатә аҧызара ахаҭарнакцәа хаҭала ҭабуп ҳәа реиҳәеит.
Аиҳaбырa рaдминистрaциa aпрессмaҵзурa