2019-05-06
Қырҭтәыла Европа акультуратә қәыҧшылара иузалымхуа хәҭоуп. Ҳара ҳтәыла еснагь иҟан егьыҟалоит ари ақәыҧшылара аоргантә гармониатә хәҭас, - иҳәеит Қырҭтәыла Аҧыза - министр Мамука Бахтаӡе апроект - „Қырҭтәыла, Европа" аартра ацеремониаҿы данықәгылоз.
Аиҳабыра рнапхгаҩы Қырҭтәыла ажәытәӡатә, уникалтә культуреи атрадициақәеи, ашәышықәсарацәалатә ҭоурыхи дрылацәажәеит.
„Ашәышықәсақәа рыҩнуҵҟа ақырҭуа культура шьақәгылон ахкырацәаратә ҭоурых ашьаҭа ала, уи иҕәҕәоу амилаҭтә ҷыдарақәеи ақырҭуа культура аҷыдарақәеи рырҕәҕәара иацхраауан. Ҳара ҳгеографиагьы аҵакы ҷыда амоуп, Европеи Азиеи рыбжьара ҳаҟоуп, ашәышықәсарацәала Қырҭтәыла ацҳа ароль нанагӡон. Ҳара иаҳҭаауа асасцәа зегьы иаразнак игәарҭоит ақырҭуа культура ахатә ҷыдарақәа шамоу, аха аамҭакала, европатәи акультурагьы ишеиҧшу, избанзар ҳара азеиҧш ашьаҭа ҳамоуп - азеиҧш культуратә принципқәа рыла ҳаидҳәалоуп. Убри аҟынтә, иаҵшьны иазгәасҭар сҭахуп европатәи аҭаацәара алахәызаара иазкны ақырҭуа жәлар иҟарҵаз алхра аполитикатә ҟазшьа мацара шамам, уи ацивилизациатә гәазыҳәароуп", - иҳәеит Мамука Бахтаӡе.
Зымҽхак дуу апроект „Қырҭтәыла, Европа" аадыртит жәларбжьаратә форум - „Акультурақәа реимадара - Қырҭтәылеи Европеи рбаҩхатәратә ҧеиҧш аҿиара" ала. Аҧыза - министр агәра ганы дыҟоуп зыӡбахәы ҳәоу афорум ала аиҿцәажәарақәа рсериа ишалаго, уи еиуеиҧшым европатәи акультурақәа еиднаҳәаланы, абарҭ акультурақәа рыгәҭа ақырҭуа культура ароль аанарҧшуеит. Аиҳабыра рнапхгаҩы идҵа инақәыршәаны, аҵареи аҵарадырреи акультуреи аспорти рминистрра ҳаҧхьаҟагьы ари ахырхарҭала акрызҵазкуа ауснагӡатәқәа мҩаҧнагоит, акампаниа „Қырҭтәыла, Европа" атрадициатә ҟазшьа ауеит.
Мамука Бахтаӡе иҳәамҭала, Қырҭтәыла европатәи акультуратә қәыҧшылара иузалымхуа ахәҭа шакәу атәы иаҳа ирацәаны иалацәажәатәуп, ас еиҧш иҟоу афорумқәа абри афилософиа ашьақәырҕәҕәараҿы акрызҵазкуа ароль нарыгӡоит.
„2018 шықәсазы Франкфурттәи ашәҟәы аџьармыкьаҿы Қырҭтәыла иалахәын асас дахь астатусла, уаҟа ҳара қәҿиарала ақырҭуа культура ааҳарҧшит. Акыршықәса рыҩнуҵҟа ақырҭуа шәҟәыҩҩцәа еиуеиҧшым жәларбжьаратә ашәҟәы аџьармыкьақәа қәҿиарала ирылахәып. Иара убас, амилаҭтә павильон ала, Венециатәи аҟазара жәларбжьаратә фестиваль ҳалахәып. Уи адагьы, Кантәи, Берлинтәи, Локарнотәи, Сан Себастиантәи, егьырҭ зҵакы дуу жәларбжьаратә фестивальқәеи рҿы ҳаамҭазтәи ақырҭуа фильмқәа ддырбоит. Иаҵшьны иазгәасҭар сҭахуп 2021 шықәсазы Қырҭтәыла ишымҩаҧысуа Европа Ахеилак акультуратә маршрутқәа рфорум, 2022 шықәсазы еицырдыруа европатәи акультуратә фестиваль „Европалиа" (Europalia) ҳара ҳаҧсадгьыл иазыркуеит. Иара убас, 2022 шықәсазы, Қырҭтәыла, аҳаҭыртә асас астатусла, Парижтәи ашәҟәы аџьармыкьагьы иалахәхәоит. Аҳәаанырцә инхо ҳтәылауаа рықәҿиарақәа ҷыдала ҳреигәырҕьоит. Ҳара ҳҟазаҩцәа адунеи аҟазаратә қәыҧшылараҿы иахәҭоу аҭыҧ ааныркылеит. Аопереи, абалети, анагӡаратә ҟазареи рхаҭарнакцәа адунеи зехьынџьара рыхьӡ бзиоуп. Қырҭтәыла, „Мрагыларатә партниорра" атәылақәа рҟынтәи раҧхьатәи ҳәынҭқарроуп 2015 шықәса инаркны „Абаҩхатәратә Европа" апрограмма иалахәы. Қырҭтәыла алшара ду амоуп жәларбжьаратә культуратә фестивальқәа рымҩаҧгареи, акультуратә туризми абаҩхатәратә економикеи рырҿиареи азыҳәан. Раҧхьа иргыланы, ҳара адунеи зехьынџьара ҳтәыла аӡыргареи, акультуратә диалог амҩаҧгареи, атәыла европатәи евроатлантикатәи интеграциа ацхраареи ауп ҳзызҿлымҳау", - иҳәеит Аҧыза-министр.
Афорум аҿы еизаз ауааҧсыра рҿаҧхьа иқәгылеит Қырҭтәыла ахада Саломе Зурабишвилии, аҵареи аҵарадырреи акультуреи аспорти рминистр Михаил Батиашвилии, Қырҭтәыла иҟоу Евроеидгыла ацҳаражәҳәаҩ Карл Ҳарцели, „Иунеско" аҭынчра артист Елисо Болқваӡеи.
Зымҽхак дуу апроект „Қырҭтәыла, Европа" мҩаҧысуеит Қырҭтәыла аиҳабыра рыдгылареи, аҵареи аҵарадырреи акультуреи аспорти рминистрра аинициативеи аиҿкаареи ала. Апроект хықәкыс иамоуп ижәытәӡоу акультуреи атрадициақәеи змоу европатәи атәыла аҳасаб ала Қырҭтәыла аӡыргареи евроинтеграциа апроцесс ацхраареи. Апроект ала иазҧхьагәаҭоуп апартниор тәылақәеи, жәларбжьаратә аиҿкаарақәеи афондқәеи рҟны аусеицура ала акультуратә программақәа рынагӡара. Апрограмма аҳәаақәа ирҭагӡаны, шықәсык иалагӡаны, атәыла зехьынџьара иакымкуа акультуратә арккаратә уснагӡатәқәа мҩаҧысуеит, афестивальқәеи, жәларбжьаратә цәыргақәҵақәеи, аконцертқәеи, уб. егь.
Аҧызa-министр ипрессмaҵзурa