2021-11-24
2021 шықәса абҵара 24 рзы, ақырҭуа - урыстәылатәи иформалым адиалог аҳәаақәа ирҭагӡаны, Урыстәылатәи афедерациаҟны аизыҟазаашьақәа рызҵаарақәа рзы Қырҭтәыла аҧыза-министр ихаҭарнак ҷыда Зураб Абашиӡеи Урыстәыла Афедерациа Ахеилак адәныҟатәи азҵаарақәа рзы акомитет аицхантәаҩы Григори Карасини онлаин аформат аҿы еиҿцәажәеит. Аиҧылара рхы аладырхәит ҩ-тәылак рдәныҟатәии ртранспорттәи усбарҭақәа рхаҭарнакцәагьы.
Аганқәа рхаҭарнакцәа зыӡбахәы ҳәоу аформат ала иазҧхьагәаҭоу ахәаахәҭра-економикатәи, атранспорттәи, амалтәи, агуманитартәи еизыҟазаашьақәа ирылацәажәеит.
Иара убас, Зураб Абашиӡе иазгәеиҭеит Аҧсни Цхинвалтәи арегиони рҟны агуманитартә ҭагылазаашьа аицәахареи, ауаҩытәыҩса изинқәа реилагара афактқәеи, ауаа закәандарала раанкылареи, арегионқәа рыҩбагьы рмилитаризациа аизырҳареи. Ишазгәаҭаз ала, Женеватәи аиҿцәажәарақәа ашәарҭадареи агуманитартә зҵаарақәеи рылацәажәаразы ахадаратә форматуп.
Урыстәылатәи аган ахаҭарнакцәа интересс ирыман ақырҭуа аган арегионалтә консультациақәа амеханизм ҿыци (3 + 3) абри аконтекст аҿы иазҧхьагәаҭоу ауснагӡатәқәеи ишазныҟәо. Зураб Абашиӡе иаҵшьны иазгәеиҭеит ақырҭуа аган зыӡбахәы ҳәоу аформат алахәызаара азҵаара ишамыхәаҧшуа.
Ишазгәаҭаз ала, 2021 шықәса ажьырныҳәа-жьҭааразы 2 тәылак рыбжьара ахәаахәҭратә аикәшараҿы адинамика ҵыҧхтәи иашьашәалоу аамҭа аҵкыс иаҳа еиҕьуп. Ахәаахәҭратә аикәшара иазҳаит 21.9%-ла, уажәазы 1,294 миллион адоллар иаҟароуп. Лымкаала, ақырҭуа аалыҵ аекспорт иазҳаит 37,2%-ла, уажәазы 481,82 миллион адоллар иаҟароуп, аимпорт иазҳаит 14,3%-ла, 812,18 миллион адоллар иаҟароуп. Иазҳаит аидаратә мҩангара арбагақәагьы.
Хшыҩзышьҭра рызун ахәаахәҭратәи атранспорттәи еилахәырақәа ринтересқәа рыхьчареи рпроблемақәа рҭыҧқәҵареи иадҳәалоу азҵаарақәа.
Ишазгәаҭаз ала, Қазбеги - Ларс агәаҭара-аужьҭратә пункт иаҧну аҵакырадгьыли уи ашҟа ицо амҩақәеи рҿы имҩаҧысуа арҽеиратәи аинфраструктуратәи усурақәа атранспорттә аиҭаҵреи аидааратә мҩангареи иаҧырхагамхароуп, убри азыҳәан, аганқәа, еиқәшаҳаҭны аус руроуп.
Аганқәа рхаҭарнакцәа „Қырҭтәыла аиҳабыреи Урыстәылатәи афедерациа аиҳабыреи рыбжьара ахазалтә администрирреи атауартә хәаахәҭреи амониторинг амеханизм иадҳәалоу ахадаратә принципқәа ирызку" 2011 шықәсатәи аиқәшаҳаҭра иалацәажәеит. Аганқәа рхаҭарнакцәа ишырҳәаз ала, аекспертцәа рыҩаӡараҟны еиҿкаау аусуратә гәыҧқәа русуреи аиқәшаҳаҭра аимплементациеи ацхраара иазыхиоуп.
Прагатәи аформат аҿы анеҩстәи аиҧылара амҩаҧгара арыцхә еилкаахоит ҧыҭраамҭак ашьҭахь.
Аиҳaбырa рaдминистрaциa aпрессмaҵзурa